【愛情/奇幻】《只能用餘光看見你》第一部:陰陽眼的餘光. 某天在學校玩碟仙，結果戀上了女鬼…: 25
「醫生，頭先嗰個病人醒咗。」 一名護士走進茶水間，提醒著易醫師。
「唔，我而家即刻過去。」易醫師放下手中的咖啡，嘆了一聲，把目光移到一旁的病人名單。
「劉世檜，又見面啦。」說罷他從自己的錢包中拿一張照片，照片裏頭是他中學時期與一名女生的合照，面貌與鍾隨心異常相似。 「點解…你要同殺你嘅兇手一齊…」
說話間他用銳利的眼神注視手中的不知名藥物「…佢就唔應該存在。」
收起錢包準備從茶水間出去時，毛月永緩緩開門走了進來，易醫師抬頭一看眼前這個黑西裝的男子。
「你點樣入嚟㗎?」易醫師先是詫異，然後頓覺得一陣面熟，總有股不尋常的感覺告訴他，自己似乎認識這個人。
「好耐冇見，應該都有十幾年吧?」毛月永走近他，輕聲說道。
「車唔死佢真係好可惜…係咪? 」毛月永拿走了他手中的藥物，高舉把玩。
「你講緊啲乜嘢?」易醫師冒出一陣冷汗，或許這人是個警察。
「笨拙嘅謀殺方法唔係一個好選擇。」 毛月永繼續說道，他的臉上帶著一絲邪魅的笑容。
「諗清楚啲，我係邊個。」毛月永注視著他的雙目。
「我見過你，你係…」塵封的記憶忽然在腦海中湧現，易醫師一面如夢初醒的表情。
毛月永給了他一個微笑「睇嚟你仲記得我係邊個，咁就好說話。」
「餵畀佢食，好似之前咁。」毛月永像是變戲法般，玻璃樽內的藥物搖身一變，化作了數粒烏黑的藥丸。
「好似之前咁…?」
「攞番屬於你自己嘅嘢。」毛月永誘導著他 「靈魂，命運，失去嘅。」
易醫師眼角流下了一滴淚，腦海中是一把獵槍指著自己的畫面。
「但係點解你自己唔出手…」
「我唔可以直接干涉，但係你唔同。」毛月永把那瓶藥丸拋向他
易醫師依舊有些遲疑看著藥丸「你畀我就唔算係直接干涉?」
「呢樣嘢係你求我，係你自己嘅選擇，就算你自己唔記得咗。」 毛月永繼續說道
護士匆忙地走進茶水間「醫生另一個病人情緒有啲失控，你要快啲過嚟呢邊先。」言談間絲毫沒有察覺毛月永的存在。
「你講咩話?」醫院病房內，劉世檜不可置信的再次詢問自己眼前的叔叔。
「我封咗你隻陰陽眼，定係你想我揀第二個選擇?」石正山平靜地回應
劉世檜把目光移向李彤，確認他叔叔的說話是否真確，李彤點頭「佢冇事，而家喺我隔離。」
言談間他拿著一行白紙，劉世檜不明所以看著李彤，轉眼間視線再次回到白紙，竟然浮現出一行字「你剛才差點死去，你叔叔都是為你好 (×□×；)」
「WTF!?」石正山與劉世檜幾乎同一時間衝口而出。
經過李彤一番解釋，兩人才將信將疑勉強接受眼前的這件事。
石正山從口袋拿出一條新的護身符給他。「醫院陰氣重， 袋好佢。」
易醫生姍姍來遲，向眾人致歉，李彤一眼便認出他是曾經來過學校做嘉賓的那人。
易醫生步向床邊，面帶專業的假笑向着劉世檜問好，其余人稍移到病房外。
「醒啲未?」易醫生笑著說
「應該好啲，我地係咪見過面?」
「係...我應該去過你間學校做講座。」易醫生輕輕收起笑容。
「我唔太記得...哈哈，唔好意思。」
「咁真係好可惜，等你醒曬之後我地傾計，而家食咗藥先。」 烏黑的藥丸混雜維他命放在桌面上。
易醫生看着他拿起，慢慢放在口中，吞下。
此時在病房外，石正山叉起雙手叮囑起來，鍾隨心像個做了錯事的小朋友，不斷鞠躬抱歉。
「今次唔關你事，但係...之後你唔準再接近佢。」石正山平淡說出後， 聽到這回覆最大反應的反而是李彤，立馬就想跟她抱不平，石正山徐徐回應
「呢個已經唔係畀鬼纏身影響嘅程度，雖然唔知點解，但係你同吸緊佢條命冇分別。」
「咁點解我冇事?」李彤疑惑
「唔知，所以之後唔好靠咁近佢係最好嘅方法。」石正山看著鍾隨心。
李彤靈機一觸，向他提出一個條件「阿叔，如果咁樣，間唔中可唔可以畀佢哋兩個見面。」說話間她走向鍾隨心，穿過時，她已然成為靈體，把身體轉移給鍾隨心。
石正山緊皺眉頭一臉不敢置信，顯然這已經超出他的認知。「你係點做到㗎…」
李彤給了他一個無知的微笑「唔知。」
石正山再三思量後同意了這個建議，片刻，李彤一面心懷不軌的表情走進病房。
劉世檜剛用完藥坐在床上看著小說「佢哋走咗啦?」
「你叔叔走咗喇。」聽到這回覆，劉世檜看著周遭的空氣。
縱使憑著直覺看對了位置，但眼中已沒有了她。縱使她被看著，眼中卻感覺不到交集。
「佢哋都走咗啦。」李彤俏皮的回覆，說頭兩隻字的時候刻意慢下來。
「話說余程天佢哋點樣?」
「講起佢哋就啱喇，我哋做個交易，我有嘢要你幫手。」
李彤訴說著他們的事情，把來龍去脈再一次複述給劉世檜聽。「…所以，你哋小兩口想拍拖，就要幫我搞掂你個friend先。」
「 我哋唔係情侶!」 兩人異口同聲反駁著，李彤不禁被逗笑。
「笑咩？」劉世檜一臉無奈
「冇咩呀，咁你接唔接受呢個交易呀?」李彤說完後，劉世檜輕微的點一點頭
「又話唔係情侶~」李彤捂着嘴揶揄著
「唔關事，我之前應承過佢，幫佢搵生前嘅嘢，佢上咗你身嘅話就方便好多。」
「我可能我真係好驚佢走， 所以之前一直用唔舒服嘅藉口，佢應該一直喺隔離啦，因為我而家成個人越嚟越唔舒服…哈哈。」劉世檜朝著空氣說著
剎那間，李彤上前攬住劉世檜，他一陣愕然但很快便明瞭 「鍾隨心…?」
「喂，我都同你定個交易，等你搵到答案嗰陣…我…」鍾隨心靠在他的耳邊說著悄悄話。
劉世檜面上泛起一陣羞紅，這刻兩人的臉龐靠得很近，旁邊這具肉體主人跟著害羞起來，奪回了身體。
「STOP!!」李彤推開劉世檜大喊了起來
李彤朝兩人看了一眼「仲有一個規矩! 用我身體嘅時候唔準做親密行為，最多最多淨係可以攬一下!」
「真係呀…」李彤沒好氣的說著
如是者我們四人一鬼，開始了一段複雜關係的日常校園生活。