關於我女朋友將我塞俾佢兩個好姊妹既事: 章一 那些年那些事那些該死的破同學
章一 那些年那些事那些該死的破同學
「同學各位 找個位 這是你的開學禮 望前看 想像戴著四方帽時多美麗
先交過難忘學費 先不會來年失禮 明天總會是個新學期 終生制」––《開學禮》李克勤
開學禮係一場不使死嘅大型槍斃儀式。
一堆人企喺度去聽埋啲其實可以省略嘅無意義宣講，然後所謂嘅學生代表又講一堆作狀露骨又大家都唔會記得同認真履行嘅廢話。
而作為學生嘅我們就係喺呢場動員全校嘅儀式上面嘅一個道具，就好似話劇表演嗰啲紙板道具咁樣。講唔上有幾神聖但你嘅唯一任務就係碌杉咁企喺度唔好郁，連門口個保安都比你有存在價值。
至少他們企喺度係因為佢哋受薪去保護一片領域嘅安全，而你企喺度係因為你需要企喺度，冇其他原因或者意義，呢種行為或者可以算係等死，事實上亦都僅此而已。 我校歷年傳統都係由中四級品學兼優的學生擔任學生代表，而今次就係輪到我所在嘅年級。
台上嗰位是今年第一次同我同班嘅同學沈懿芯，她一直都係品學兼優嗰一類，所以喺中一至中三嘅時期自然唔會同我呢種唔鍾意返學嘅學生同班。 經過三年沒有交集嘅日子，我同班上面好多同學其實也係很陌生。
他們或者都識得我，但我之前同他們從來就冇互相認識過，不過我唔多唔少都感受到他們嘅敵意。
畢竟我同佢哋看起上嚟又確實比較唔一樣。
人類這種死人生物往往就係黨同異伐，無論係咩年紀同環境。
哪怕他們一啲都唔了解你同你嘅背景，只要同他們唔同而他們看唔順眼，就可以喺你嘅背後隨意地口誅筆伐。
當然，他們唔會正面向你提出任何意見，可能唔想、可能唔敢、可能唔在意，但又何必在意呢﹖
學校維持傳統舉行開學禮，我亦都維持傳統發白日夢。
然而今年，似乎又有很多新嘅老師入職。
於是乎又再引起台下嘅同學們不斷嘅竊竊私語。
台上嘅人故然對台下嘅行為一目了然，台下嘅亦唔敢太大聲好多時侯都會適可而止，大家都不願意打破呢個行禮如儀嘅默契。
嗰陣時嘅我已經係183CM高，企得喺我前面嘅自然亦都係啲高佬，而右手邊嘅就是隔離理科班嘅，佢哋大部份中一至中三同樣是來自那些品學兼優嘅班上面，自然亦都冇咩交集。
我前面嗰舊叫做霍耀興，聽講中文同中史科都一直成績超卓，但一直冇交流過，估唔到呢條友仲係個多嘴仔。
佢一直同企喺我右手邊嗰條理科班嘅四眼喱董晉喺度吹水，雖然從來冇擰轉頭，但話題亦都冇斷過。
我實在諗唔起他們討論過啲咩，不過，到最後講出嚟嘅嘢，咁啱又頗為令我感到興趣。
霍耀興話︰「總而言之，我們而家分班喇，過往劃分嘅勢力固有平衡終歸都係要打破喇。」
董晉道︰「不過就是唔知道嗰啲新生嘅成績如何喇。能夠考入我們學校嘅，我諗唔會差得去邊啩﹖」
「我哋學校話晒係區內第一，梗係唔係啲乜嘢阿豬阿狗都可以考入嚟啦。」霍耀興話︰「過往英文科呢一邊我哋兩兄弟都佔不到乜嘢便宜，係時侯搵返個補習老師喇。」
當時我心諗︰「考個試都可以劃得出勢力範圍咁架勢堂﹖」
跟住又聽見霍耀興話︰「再唔得的話搵個英文達人嚟參加我哋內閣，咁樣就可以組建一個稱霸所有成績榜嘅內閣出嚟，只有咁樣，先至可以增加對學校嘅話語權。」
呢個時侯我先發現，霍耀興這呢仆街唔係一般的痴線佬，而是個政治人才。
果然，後來他大學畢業之後加入咗工會，然後又成為咗立法會議員。
當然，他之所以喺呢個人多口雜嘅環境講呢種陰謀級嘅事，或者都係喺佢嘅計劃之內。
但至少，佢勾起咗我嘅興趣，想要了解佢向校方爭取更大話語權嘅目的。
「為咗我們嘅理想，我們係唔係應該考慮將新生納入招攬範圍呢﹖」董晉摸一摸下下爬就話︰「你估我哋可唔可以打聽得到啲新生嘅背景吖嗱﹖」
聽到呢度，我忽然諗起安知命。
安知命如果參與組閣，大概係可以直接決定學生會選舉嘅勝敗啩﹖
「你是電 你是光 你是唯一的神話 我只愛你 You are my super star
你主宰 我崇拜 沒有更好的辦法 只能愛你 You are my super star」––《Super Star》S.H.E.
隨住無聊嘅開學禮完結，大家又返返課室入面，亦即係分派書簿嘅時間。
我拎著分派過來全新嘅教科書喺度睇，安知命問︰「你都會看書架咩﹖」
「乜有人唔睇書架咩﹖」我啤咗佢一眼，繼續揭緊我本中史書。
咁啱，陸敏詩啱啱將分派好嘅校簿傳過嚟，好奇咁望咗我一眼，又咁啱同我直接對望。
「You make me want to fall in love 就在這一刻
Oh~ t也不管明天會如何 只要今生有你左右 陪著我不再寂寞」––《You make me want to fall in love》F.I.R.飛兒樂團
我對她微微一笑，她立即紅都面晒咁擰返轉頭。 安知命又再哄過嚟我耳仔邊就話︰「睇嚟你都好識得迷惑呢個妹妹仔啊…」
我眼尾睄咗佢一眼，就話︰「躪。」又再繼續睇我嘅課本。
安知命話︰「反正將來都會教，到底你喺度睇乜啫﹖」
我答佢︰「將來他們教嗰陣時我都瞓緊覺啦，而家唔睇晒啲書以後又點攞嚟當枕頭用﹖」
前面嘅陸敏詩「噗嗤」咁笑咗出聲又再坐直個人，但偏偏就冇擰返轉頭。
安知命又問我︰「咁你點解唔索性喺上堂嗰陣聽書﹖」
我對佢反咗個白眼就話︰「因為到時侯應該瞓覺喇。」
Miss鄭把聲又喺課室響起︰「好喇依家重新分位，大家執好啲嘢企出來先。」
過往呢個過程都係怨聲載道，但今次大家都恨不得坐喺兩位新同學旁邊，所以響起一陣歡呼，然後迅速又高效咁收拾完畢排好隊喇。
Miss鄭不忘驚詫之餘始終都係冇忘記要挖個氹我踩，就話：「明知安你唔使搬喇，坐返嗰度。」
班狗公又再一陣歡呼，但係又迎來Miss鄭嘅下一個指示話：「安知命同陸敏詩都唔使出來喇，就坐返原位。」
班上又再響起一陣狗公打交輸咗嘅哀鳴。
然而，仲剩返嗰一個位已經成為兵家必爭之地，嗰度可以話係狗公們嘅希望。
雖然嗰度需要坐喺我嘅斜角，但能夠與陸敏詩為鄰，背靠安知命，都足以令一眾狗公爭到頭破血流。
班上面嘅男仔冇一個唔係掛上奧斯卡金像獎頒獎典禮的神情，時至今日我只要睇頒獎禮，就會諗起這班男同學。
霍耀興身邊一個男同學話：「老師，一係我哋抽籤啦？」
「朱肇達你當我呢度係房屋署呀？」Miss鄭反問話：「你唔好同我講話填表排期？」
訕笑聲中，一個陌生嘅女老師亦都出現喺課室入面。
女老師身材瘦削，頭髮長長，睇起上來唔係大我哋幾多，但係就生得幾好樣。
Miss鄭話：「跟大家介紹一下，呢個係你們嘅副班主任。」
嗰個老師話：「各位同學你哋好，我叫王彩娟，大家可以叫我王老師。」
不知邊個爆咗一句：「美人教師。」剛才嗰啲打交打輸嘅狗公們又再響起震天歡呼。
「安靜！」Miss鄭幾乎俾佢哋激親，話：「今朝早知道我係你哋班主任嗰陣時又唔見你哋咁高興？」
少不免嘅一陣死兜爛兜，卻更彰顯咗「你的樣子如何你的日子也必如何」嘅道理，但係就更加刺激咗Miss鄭的心理。
跟住落嚟嘅座位編配，都是一男一女嘅形式安排，令場面更加緊張刺激。
能夠同女神與可愛的骰嘅新同學隨意搭話嘅機會，真係唔係成日有嘅。
其實班上面真係唔少生得幾靚嘅女仔，但係三年同窗爭咁啲新鮮感，更加口口金唔好話有啲已經係小學時期已經認識。
一齊長大，彼此嘅底細自然清楚，該發展嘅一早就已經曖昧緊啦，而家先開始又談何發展？
狗公們一個接一個咁被安排，看見佢哋如同殞落嘅表情，我咁鐘意瞓覺都不得不坐直欣賞。
傻更更嘅陸詩敏亦不禁啞然失笑，何況係聰明的安知命更加係笑得花枝亂顫？
佢亦都不忘拉仇恨，直接伏嗎我膊頭上大笑，搞到班狗公雙眼滿帶紅絲。
「從天空 到人間 這畫面
算是享受還是折騰昏眩 瘋癲 幻象沖擊如潮」––蘇打綠《空氣中的視聽與幻覺》