《狗公？初戀？女人總愛站在道德高地》: 1

我按咗落去我一個好耐都冇聯絡過嘅人，林詠彤個whatsapp到。
 
我慢慢輸入…
 
「哈哈，話咁快又過咗一年」
 
「依家係嗰邊生活得好唔好？」
 
一個鐘後，冇回應
 




但對方嘅頭像由原來嘅自拍變成一個一式一樣嘅白色人頭
 
最後上線亦冇咗
 
哈哈，我冷笑左幾下，睇嚟我俾人禁咗我睇佢icon同last seen
 
於是我再輸入
 
「你變咗」
 




諗起當初我地兩個拍拖嗰陣，有個男仔成日搵你，最後仲同你表白左，你同我講
 
你唔識點做到唔應人。