[重口味]黑貓館: 第五十九回 老婆奴

第五十九回 老婆奴

林生收工返到屋企,見老婆好好笑容咁傾電話,內容都係離不開股票.
都估都係乜野事當佢收線後就問:[點呀,贏咗好多咩?]

[hehe...少少啦.]

[咁咪幾好.]
有D人好奇怪輸錢永遠唔記得,贏錢就大鑼大打鼓唱通街.



[老公呀,今晚落街食慶祝下囉.]

[好,妳話事啦.]

兩公婆去咗附近一間酒樓食飯.入到去唔係太多客,
侍應帶咗佢地去其中一張檯坐底.

林生係到睇緊餐牌時,
林太話:[呢個位好似好凍,我想坐嗰邊.]



[哦,咁轉位囉.]
林生同侍應講聲之後就轉位.

當佢地坐底之後侍應行過呢放底壺茶就行開咗,
林生繼續睇餐牌,
睇睇下佢老婆又話:[呢個位都係唔好坐,我想坐近窗嗰邊呀.]

[吓,又轉?]

[咁呢邊唔好坐丫嗎.]



[好...咁轉囉.]
林生又望一望侍應表示轉位.

佢兩個又轉去窗邊坐,點知林生都未坐底佢老婆已經話:[呢到都唔好.]
[吓!又唔好?]

[咁係唔好坐丫嗎.]

[咁妳想坐邊呀?]

林太係到四圍行,睇下呢到摸下嗰到,
林生有D唔好意思咁望一望個侍應,個侍應都搖搖頭.
結果攪咗一輪都係坐返去第一個話凍嗰個位.



林生攞住個餐牌問:[妳想食乜野呀?]

[無所謂你話事啦.]

[咁呀,叫半隻豉油雞好唔好?]

[唔好,雞好肥.]

[咁呀,燒鴨囉.]

[鴨咪重肥.]

[咁...一係蒸魚囉.]

[平日已經成日食魚啦.]


林生諗又話無所謂,結果講乜都唔啱.

[咁不如妳話事啦.]

林太一手搶咗個餐牌係到話:[無撚用,叫個餐都唔識.]
咁都比人小,林生真係無聲出.

林太望咗兩望就叫侍應過呢落單,
[我要通菜炒牛肉,D牛肉唔要太熟呀,另外一個要生炒骨我要多D菠蘿架,
重要一個老火湯要多渣,同埋D渣另上.]
個侍應都聽到鎖晒眉.不過佢都醒目一睇就知呢D係麻煩客,
所以佢話乜就乜無出聲.

好彩等咗唔係好耐D餸就呢,如果唔係林太又發難.



兩公婆終於開餐,呢餐飯林生甚少出聲,
多數時間都係佢老婆講野,內容都係不外乎投訴呢樣鬧嗰樣.

食食下飯林太話:[我想你攞D強積金出呢.]

[強積金唔係65歲先攞得咩?]

[叫得你攞當然有辨辦法啦.]

[咁....妳想用呢做乜?]

[炒bitcoin.]

[吓!妳知乜呢嘅咩?]



[唔知,我只知好好炒就夠啦.]

[妳咁同賭錢無分別乍喎.]

林太好太聲講:[你現在係唔係唔信我眼光呀!!]
成間酒樓D人望住佢地.

林生望一望周圍D人覺得好尷尬,
只好細細聲講:[唔係....]

[唔係就得啦.]
林太鬧人從來唔睇場合,鍾意鬧就鬧,
咁樣情況都已經唔係第一次.

對住呢D野蠻女人真係男人嘅悲歌,林生都除咗忍之外都無乜野可以做.

唔知係唔係自己錯覺,林生硬係覺得周圍嘅人係到笑緊自己.

返到屋企各自各休息,林太繼續上網睇佢嘅財經新聞,
林生就睇下電視.差唔多夠鐘就息燈瞓教.

林生瞓瞓下突然有隻手摸住自己條賓周,
林太係耳邊問:[老公,我想要呀.]

一個正常男人聽到呢句都應該會好興奮.
但係林生啱啱先比老婆係大庭廣從落面,
心情麻麻地無乜mood,所以就攞開佢隻手話:[好攰呀.]
然後繼續瞓.

林太當然覺得無癮,忽然間佢拉起張被除咗條底褲,
然後係床頭櫃攞咗支平日用呢招呼林生嘅假狗出呢.

跟住講咗怡:[正一廢人,我洗靠你?]
林太攞起支假狗將開腳係老公側邊自慰.
[嗄~~嗄~~嗄~~~]
支假狗插到出晒水吱吱聲.

但係林生成個腦都係嚮起剛才嗰句廢人,
佢好似又再聽到側邊好多人笑緊自己.


未完待續