[重口味]黑貓館: 第五十回 捉姦

第五十回 捉姦

見司機慌慌張張世雄問:[乜野事呀?]

司機用國語細細聲咁係佢耳邊講:[剛剛小張轉短訊給我說老闆娘要去少霞小姐家.]

世雄聽到成個人彈起身,因為知道呢件事嘅人好少,
即刻問:[係邊個講比悅明知?]

司機繼續講:[老闆,遲一下再處理吧,我們先去少霞小姐那裡吧,再不去會有事發生的.]



[我地走.]兩個人即刻沖出去,

秘書一見到佢地走立即攞起電話:[總裁,老闆啱啱離開公司.]

世雄知佢老婆性格重癲過自己分分鐘攪出人命不停催促司機:[開快D.]

可惜大陸一塞車真係吋步難行.
世雄好心急跟住攞起電話:[李局長,我係世雄,我有急事,麻煩你搵人幫我開路可以嗎?無....無問題,今晚你要飲幾多我陪你,總之你先搵人到我公司外街開路好嗎?]



講完即刻收線,但係由工廠出去嘅小路依然塞死晒.
世雄同司機講:[開上行人路.]

司機立即照做,沿路不停響安,途人見到有車鏟上行人路當然係雞飛狗走啦.

部車終於離開小路,見到前面已經有隊公安車係到.
係大陸做野幾時都要打好人際關係,因為你唔知幾時會有用.

有公安車開路沿途暢通無阻,好快到咗少霞屋企.



世雄第一時間沖入屋大叫:[少霞!!少霞啦!!]

少霞老豆係廚房走出呢問:[乜野事咁緊張呀?張老闆?]

世雄又講:[我問少霞係邊到呀?]

[乜事呀?]一把女聲講,
世雄望一望見少霞係房行出呢.

世雄一臉茫然,[妳...妳無事呀嗎?]

少霞搖一搖頭.世雄再望一望司機,連佢都唔知點解會咁,
大家企晒係到都唔知發生乜野事.

忽然聽到有人係門外大叫:[原來真係收埋隻狐狸精係到.]


悅明同一大班人浩浩蕩蕩咁由正門行入呢.

當中世雄見到小張鬼鬼祟祟咁企係最後,
司機大叫:[小張,你.....]
呢一刻世雄先知自己中計,好一招引蛇出洞.

對方人多自己人少呢次唔知點算好.世雄只好擋係最前.

悅明大叫一聲:[捉人!!]
佢身後班人即刻左右分開沖上前,世雄知道佢地目標係少霞,
所以出盡全力阻止呢班人,但係對方太多人,
佢地又只得幾個人根本阻唔到.

突然聽到少霞大叫一聲:[呀~~~~~~]
世雄成個心離一離.



佢望住少霞比兩個女人用手扯住頭髮拉出去.一直拉都悅明面前.
悅明即刻唔客氣一拍掌打過去,少霞成個人失重心跌落地下.
側邊D人開始起哄,有人更一腳踢落少霞頭.

世雄比人拉住郁唔到,佢大喝一聲:[邊個都唔可以打佢.]

悅明望住世雄話:[唔打得,我就係你面前打死佢.]
然後舉起腳準備踢過去.

世雄大叫:[佢有我張家骨肉,妳夠膽就打!!]

悅明聽到呢句即時疾一疾,但係女人失控邊理得咁多,佢一腳踢向少霞頭,少霞當場暈咗.

司機見到咁即刻打電話比醫生.


世雄見悅明失控於是講:[妳今日打死佢,我要妳地雷家上上下下不得好死!!]

從來未見過老公咁同自己講野,悅明行去佢面前指住世雄話:[無我地雷家你有今日?]

[無錯,錢係你地雷家出,但係江山係我一手一腳打返呢,我就唔信無咗我妳地雷家重可以打橫行.]
悅明亦心知肚明呢個係事實.但係呢條氣點都下唔到.

[你平日出去點玩我唔理你,現在你居然收埋個靚妹重攪大肚?]

[妳咁多年蛋都無隻係唔係想我張家絕後呀?]

呢一句吉中悅明死穴即刻無聲出.中國人傳統不孝有三無後為大,
悅明自己係獨女,如果張家斷埋後真係乜人都無.

世雄見悅明無出聲佢即刻大喝:[放手!!]


側邊兩個大漢望一望悅明,悅明一個眼神佢地即時放手.

世雄行埋悅明側邊細細聲講:[有乜事我地一家人閂埋門講清楚咪得囉,妳地雷家要面,我一樣要
現在攪到咁傳出去大家都無面.]

悅明亦知道家醜不出外傳呢個道理.知道自己太衝動,佢望一望身邊D人,
然後同佢地講:[你地出去先.]

所有無關人全部出晒去,世雄同司機第一時間張少霞抱返入屋.等咗一陣醫生亦趕到.

當醫生入咗房之後世雄拉咗悅明出去傾.
[我知係我唔啱,但係唔錯都錯咗.你當買個人情比我好唔好.]

[咁點呀!!唔通比佢入門呀.]

[我對佢根本無感情,妳咪當係借肚囉,總之妳永遠係最大嘅好唔好,妳以後當佢係工人又好妹仔又好我唔過問,我只係關心肚入面個BB.]
悅明知道世雄唔會放棄,如果唔比佢只會兩敗俱傷.

就係佢考慮緊時,醫生行返出呢,
世雄即刻上前問:[點呀,個胎無事丫嗎?]

醫生話:[今次好運,兩個都無事,不過唔好再有下次啦,人命呢架!!]
佢講呢句說話事望住悅明.

悅明開始知衰耷底頭唔夠膽望人.
之後講咗句:[我無眼睇,你想點就點.]
然後就走咗.

少霞由嗰日開始入住張家,無結婚無任何名分亦無人知,
只係喺張家過住一D工人嘅生活.

未完待續