[重口味]黑貓館: 第三十一回 約會

第三十一回 約會

嘉嘉係餐廳都做咗成個月,所有野都上晒手.

今日如常做午市,可能係落雨關係人比平時少.
鬼咩寫字樓區個個都唔想整濕身,特別係D OL,有邊個鐘意整濕對腳.

相處咗咁耐三條友都好熟絡,所以成日互串.

亞信見無乜客又靜靜雞攞部手機出呢望兩下.因為呢排同一位人妻傾得唔錯,所以成日心思思.



[亞信!!又係到玩app呀?]
嘉嘉係佢背脊大聲講,嚇到佢又幾乎跌咗老婆落地.

[小姐,比妳嚇死啦.]

嘉嘉一手踏住佢膊頭講:[都唔明呢D app有乜好玩?]

[妳識乜呀.]



嘉嘉陰陰嘴笑然後挨過身埋去嗲聲嗲氣咁講:[信哥~~,你係唔係想要啫~~~~]

[妖...妳係唔係玩野先.]

權哥係側邊講:[喂,有客啦,做野啦.]

嘉嘉好快咁應:[係~~~]

之後又同亞信講:[小心撞到男扮女呀!!]



激到亞信作狀打佢,嘉嘉對佢特別唔客氣,有時真係疾到佢無聲出.

不過亞信又無嬲,對於平日好小同女人打交道嘅佢反而覺得咁樣幾開心.
同嘉嘉玩就好似兄弟一樣.

亞信唔知其實呢D女先最大殺傷力,因為佢不知不覺已經入侵你嘅絕對領域,
當你察覺時支朗基努斯之槍已經插咗入你心口,死咗都唔知乜野事.

嘉嘉係門口戴咗一對男女入呢,
個女仔同個男人講:[我想坐窗口位呀,可以睇落雨.]

嘉嘉聽到好醒目咁話:[可以.]
然後帶佢兩個去窗邊一個可以睇到街景嘅位置坐.

落住大雨望住出面D人攞住傘都無用嗰種狼狽樣少女睇得好開心.


亞信做緊其他野無理會.

權哥走過去落單之後行返過呢同亞信講,
[一號檯set過D餐具.]

亞信問:[做乜?]

[呢個客要求重高過我地老細,又要湯匙又要甜品匙,幾乎要根足正統餐具攞放.]

嘉嘉好奇問:[佢食乜野?]

[頭盤要36個月嘅Parma Ham,黑松露蘑菇濃湯,main要A5和牛三成熟加白露筍,
甜品要new york cheese cake同espresso.]

嘉嘉笑住話:[lunch食得咁重形.]


亞信望一望一號檯,位少女居然對住佢笑一笑.

呢個時候亞信先知原來係C房嘅Shelly.
做飲食撞到熟人常有所以無乜感覺,只係禮貌咁點點頭.

嘉嘉係亞信側邊講:[靚女喎,不過人工咗D厚粉咗D啫.]

[多事啦妳.]

[超,我見你眼金金咁望住人喎,你係唔係鍾意呢type先.]

[佢住我隔離架.]

[嘩,咁咪成日見囉.]



[又唔係喎好少撞到,佢好似唔洗做咁.....]

[哦...可能有Suger Daddy呢.]

[我點知.....]

亞信又偷望住shelly,同佢一齊個男人又真係唔似男友.

可能真係好似嘉嘉咁講,佢住劏房邊有可能咁有米著咁多名牌.
亞信又覺得唔好理咁多人地嘅事,反正大家都生活係唔同嘅世界.

落雨天真係靜過鬼,亞信呢個時候收到msg,
佢攞起手機一睇,係喺HMD傾開嗰位人妻.

3+人妻:[我明天得閑,想唔想出呢?]


亞信睇到呢句即刻笑咗出呢,玩咗咁耐終於有D成績,第一次約到女.

佢即刻回應,
180消防巴:[好呀,咁我book時鐘.]

3+人妻:[唔洗咁心急,食埋飯先啦.]

180消防巴:[book定好D,驚無房.]

3+人妻:[果然小出呢玩,有錢你驚無房.]

180消防巴:[咁...邊到食飯?]

3+人妻:[朗豪坊囉.]

180消防巴:[OK,咁明天見.]
亞信由心到笑出呢.
嘉嘉見佢係到傻笑:[做乜呀,對住部電話笑,約到女呀?]

[八卦....]

[洗唔洗教你兩招呀?]

[我玩app洗妳教?]

[講到自己好勁咁喎,咁睇下點.]
嘉嘉笑笑口行開咗.

亞信真係好耐未試過咁興奮,對上一次應該係單抽中SSS角色.

到咗第二日,亞信因為太興奮,所以一早就醒咗.

難得今日放假再加上有約心情超靚,決定落街去食早餐,
香港人能夠一早起身去坐茶記食早餐其實相當奢侈,
一係你已經退休一係你唔洗做.
有邊個唔係買個包就狗沖返公司食.

未完待續