[重口味]黑貓館: 第十一回 生活

第十一回 生活

[DoDoDo~~~DoDoDo~~~]
呢個聲音相信係地球上最討厭最黑人僧.
無錯就係鬧鐘.
真係恨不得一牶打爆佢.

咁有乜野比呢種聲音更加討厭?
就係呢個唔係自己個鬧鍾響而係隔離鄰舍嗰個.
你想打爆佢都唔得.



係睡夢中嘅亞信望一望自己個鐘,
只係6點半,
[唉,又係隔離個細路夠鐘起身返學,
佢幾時先放暑假呀~~~]
講完又大被冚過頭.

軒仔捽一捽眼爬起身,
死下死下咁行去廁所刷牙洗面,
準備換衫返學.



對於呢D生活相信每一個細路都唔鍾意,
唔知點解要讀書唔知點解要返學亦唔知將來有乜希望,
只係知到最後咪又係要每日起身返工做社畜.

軒仔好討厭呢種生活,
幾乎每日都想同亞媽講唔想再讀書,
但係每次都唔知點開口.

當佢梳洗完行出廁所,


見到地下張床墊已經收咗,
取而代之係一張只夠二個人坐嘅所謂食飯檯,
上面放咗一份三文治同一杯熱朱古力.
望住個早餐無出聲,
只係靜靜地坐係到.

而少霞面上亦無乜表情,
各有各做自己野,
兩母子感覺好疏離.

見軒仔食緊野少霞就去廁所刷牙洗面,
軒仔一邊食早餐一邊睇住手機,
耳仔聽住廁所傳呢嘅刷牙聲,洗面聲,
同去廁所聲....
一間咁細嘅房間重要住三個人,


真係乜私隱都無.

未完待續