[重口味]黑貓館: 第一回 黑貓

第一回 黑貓.

差唔多夜晚十一點,
係旺角一棟舊式大廈頂層其中一個劏房單位入面,
有一個著住睡裙嘅三十多歲女人打開窗係到大叫,
放心,
佢無電髮亦無咬住口煙,
唔係元秋....

[Bobo!!]



[Bobo!!返屋企啦!!]
係廿樓高當然唔會係叫仔啦.
佢只係搵貓.

瞓係天台上面一隻全身黑色短毛嘅家貓,
聽到主人叫聲伸一伸懶腰打咗個喊露,
慢條斯理咁一步一步行到天台圍欄邊沿,
望住下面D人同車縮到好細粒.



對於一個正常人呢講企係到望落去真係腳都軟埋,
但係Bobo半秒猶豫都無就一野飛落去.

廿樓喎,
隻貓唔係真係以為自己有九命呀.

聽到:[喵~~]一聲,
佢先無咁蠢.

原來有個一條啱啱好夠佢行嘅石屎邊係到,


貓真係好鍾意玩命嘅生物.....

[Bobo!!]

聽到主人又再大叫,
Bobo慢慢向前行,
行行下佢探頭向下一望.

見到一間一百呎唔夠嘅房間,
入面有一個廿歲左右嘅男人,
肥肥矮矮頭髮有D長塊面有幾粒暗瘡,
Bobo記得呢個就係住A房嗰位肥仔,
佢叫亞信.

每次交租都會眼金金咁望住包租婆個胸,


邊個係包租婆?
咪剛才不停叫Bobo嗰位囉,
都話唔係元秋囉....

未完待續