香港發生地震啦

我急急腳行返去學校 一間叫做惠業中學
返學
應該係全港最細嘅中學
但最諷刺嘅係右手邊有間荒廢咗小學
左手邊都係
就係小小地方困住咗1000個學生

暑期班美其名啫 實際都係攞半個暑假
返去尻Fing fing 㩒下手機 吹吓水
抄下書 抄吓功課 咁就一日㗎啦




咁就升班㗎啦
至撚柒屌嘅係今日嘅值班老師
就係撞正我喺紋身店出嚟嘅
業偉宏
咁當然我一於懶理啦

我照舊吹吓水 搏大霧囉 雖然我都預咗陣間放學實叫我留低 係未知留到幾點姐
但奇怪嘅係 全程佢望住我望到放學
放學嗰陣佢同我講：你知咩事啦 落訓導室
咁冇得唔落啦 斷到正一正





學校都係煎釀三寶㗎啦
打電話 記缺點 見家長
企到六點佢仍然打唔到比老母
因為我用老母手機block左學校嘅電話
所以有時返學都好似同學校鬥古惑咁
灰色地帶 走捷徑 一條龍 都係出嚟做嘢學返嚟 但做咗十鳩幾年嘅阿Sir
鬼唔知我出估下咩
冇諗過！ 佢去咁盡用自己手機姐
雖然打得通都唔係咩事 係煩到我姐⋯⋯





反正本來同老母都冇咩接觸
奇怪嘅係業竟然電話收唔到訊號喎
都唔知好嬲定好笑
全校又突然間停電 業偉宏都奈我唔何
我心諗個天都幫埋
我嗰陣時義氣風帆行出個門口

戲肉嚟啦

我見到對面街有一個熟悉嘅身影跑緊過嚟原來就係Marcus 佢不斷揮手示意我
然後一野撲埋嚟我度
我面前墜落咗一舊好大嘅石屎
隨即我瞳孔放大
而佢就撞碎咗學校嘅玻璃門成頭都係血




我都未定驚就企返起身

我眼前一幢幢大廈 喺我面前骨牌式崩塌
路面出現巨大嘅裂縫 汽車四處撞向行人路死嘅死 傷嘅傷 嚟唔切求救 自救嘅
已經死係我眼前

有幾對父母哀鳴為斷手斷腳 嘅仔仔女女
其中一對父母向我呢邊投向求救嘅時嘅訊號 卑微狼狽咁爬過嚟
但傾斜倒塌緊嘅大廈啱啱好吞噬左
佢哋成家人 甚至係見到一啲宗教信徒
乞求各自嘅神 希望逃過一劫
都無情咁刮死咗佢地

業聽到出邊太嘈 ， 跑上嚟睇吓咩事
已經作出本能反應 將我同Marcus拉入嚟





我成個人stone咗 業不斷確認我哋兩個有冇受傷 拍醒我 我回過神之後

先醒起我個妹 恩恩 每日都會返嚟學校溫書

我跑上去佢班房 業同Marcus緊隨其後並叫住我 突然 學校出現強烈嘅震盪
瓦礫同雜物從上邊倒塌落嚟
1樓同2樓樓梯中間出現咗斷層
令到Marcus差錯腳跌咗落去
好似瓦礫同雜物嘅浮沙活埋左
得返我同業sir
左閃右避 業sir叫住我 嘗試冷靜我
但我已經任何野都聽唔到入耳
卒之嚟到恩恩嘅班房 妹妹俾瓦礫同雜物覆蓋住





我不斷用手搬開雜物同劃開沙堆 手指甲都爆曬 鮮血喺手指間起勢咁湧出
但我已經感覺唔到痛楚
我個妹條命麻醉我成個人感官反應
成功將去搬出嚟
慶幸嘅係好彩發生時間唔多過5分鐘
又冇傷及主要器官部位
脈搏仲喺度係暈咗姐
我組合幾張書枱 攤平佢
我撕開我嘅恤衫為妹包紮 望住佢

（回憶錄：恩恩 1999年新移民 中一
半鹹淡嘅廣東話加上中港矛盾日益嚴重
但慶幸嘅係我哋間學校都冇乜歧視風氣
勤力到似乎有強迫症咁溫書
學校成績當然好啦 所以老師都好錫佢





當然點都有啲口賤嘅男仔 笑鳩佢大陸妹啊
攞啲大陸遊客屙屎 屙尿 打尖嘅醜聞
笑鳩佢啊
佢又唔係好識反駁 因為廣東話又唔係太好

咁樣仲衰多幾錢重 又冇同我講
佢唔想我同人打交 但我點都知道
仲點敢同我講吖 我喺學校個底花晒
上次先執咗低form 仔劑佢勁嘅
就係咁記咗個過咋嘛

我都食咗佢一拳 當然有阿妹嘅阿哥
喺屋企(避難所）當然會幫我療傷啦
我成日都講笑話得
我先可以笑鳩你大陸妹其他人 no way ）

業 ：佢隻手仲握住咗本書喎
我眼淚 姨姨冚冚 湧出來 淡淡然講：
佢願望係做心理學家喎⋯⋯

佢走埋嚟突然間攬下我 我一野推開佢
好撚friend咩 而家你身份唔撚係老師呀！
我拉住佢去窗邊 你望吓出邊啦
你唔撚係覺得你仲有老師做啊？

呢種切換心態模式 我實在拿捏得太到位
真係由細訓練到大 或者我咁講出於私人感情唔係真係想潤鳩佢 俾佢一個現實重拳

我同業 望住出邊嘅 （風景）慨嘆緊
山泥傾瀉 人群不斷逃亡 掙扎 悲鳴 呼叫
瞬間死亡
我無可奈何咁講仲越講越激動：
香港呢塊福地
冇日本出產：核輻射 地震
冇歐美出產：山火 熱浪 龍捲風
火山爆發 槍擊案
冇中東國家：戰爭 種族滅絕 屠殺 隔離
宗教戰爭
但淨係一日2012 8月21號
香港出產：瑪雅預言
而且香港可能只係個起點？
真係夠晒諷刺 自從2009年 2012上映
香港人籌備到而家 死嘅都只係窮人

我扯起業衫袖扯埋火咁講：
你哋做老師搵咁多唔係冇買防空洞吖嘛？

業 眼濕濕 講咗句：你理唔到咁多，現實係咁殘忍
唔係你都唔使返M記啦，
難得你仲有個妹，
可能我老婆同兩個仔已經唔喺度

呢一句令我醒起 失散咗嘅Marcus