《我和她的故事》: 最終章：我和她的後記
最終章：我和她的後記
「嘟——嘟——」我喺睡夢中聽到我手機響。
我伸隻手去床尾,攞起我部電話。心諗邊個係星期六咁早打電話比我,心入面不禁暗罵咗句粗口...
「喂！B 醒咗未呀？早晨呀。」一把可愛清晰嘅聲音傳入我隻耳。
「(咳)醒...醒咗啦......咩事呀？」聽到係女朋友打俾我，清一清喉嚨馬上坐直。
「冇呀，我睇下你醒咗未呀嗎！咁你醒咗未?」佢問。
自從我哋一齊咗之後，我每日都有打俾對方。係安全感，係安全感令我會打俾佢。
「醒咗喇......」我不耐煩咁講,始終係星期六俾人咁早叫醒，係有啲燥底，雖然係咁，但都喺女朋友最大......
「嚟搵你食早餐？好唔好呀？」佢嬌嗲咁問我。
「好好好，咁30分鐘之後喺你樓下等啦。」我著住拖鞋，條頸托住電話覆佢。
「陣間見！」佢係電話另一頭叫喊道。
「好好。」我伸一伸懶腰，就走去梳洗準備
30分鐘後......
我企咗係OK便利店門口，碌住手機等佢。
「估下我係邊個？」一把熟悉嘅聲音喺我背後響起。
「唔知呀......」我奸笑咁講。
「好衰囉！」佢伸個頭係我隔離講。
「唔好嬲啦。」我擰轉個頭成隻手摸摸佢個頭。
今日，佢身著住慵懶feel嘅衫，一件普通嘅格仔tee，短褲，拖鞋，再加埋金絲圓框眼鏡。
其實佢唔使著到咁靚，就好似今日咁普普通通，一對情侶就係咁就已經足夠。
我拖起佢隻手，十指緊扣咁行，就好似同全世界講佢係我女朋友一樣，佢就好似我哋第一次遇見咁，羞澀咁用雙眼望著我，我拖住佢一直行。經過馬路嘅時候，我刻意比佢企係行人道入面，盡顯暖男要做嘅嘢。
我哋行到去第一次見嘅Cafe到，佢話佢唔係好肚餓，我哋嗌咗一個餐share食。嗌咗個牛角包同一杯嘢飲。
食物嚟到之後，我將牛角包切開一半，再少少哋咁切比佢食，我伸把叉去餵佢食，佢嘴張開紅潤嘅咀，輕力咁咬咗落去。我再拎起同一支叉，餵自己食，我唔記得個包係咩味，我淨係知個包好甜...好甜...好甜......
我記得食完嘢之後，我哋行咗去海邊，我哋乜都冇講
我拖住佢一直行，一直行，行到幸福嘅盡頭......
。
。
。
。
。
。
。
多謝你，多謝你熙然......