《我和她的故事》: 第四章 ：我和她之間出現了一個情敵？！

第四章：我和她之間出現了一個情敵？！



我唔敢面對件事佢同呀杰喺埋咗一齊。

日日就係到㿗，我無搵佢，就算佢搵我，我都無覆佢。如果一個女仔主動搵你，好明顯你係佢心入面已經佔咗一個席位，如果佢唔主動搵你，佢心入面一定無你。雖然我依家知道佢心入面都有我，不過可能我都只係一個坐喺後備坐嘅傻仔。

就係咁暑假好快就過咗...





開學第一日，我帶著疲倦嘅身軀返學，正當我踏入學校門口迎接新一年嘅時候，

「喂，暑假過成點呀？」呀杰拍一拍我嗰頭問我。、
「OK…」自從發生咗我見到個件事之後，我唔係好想理佢。

好，我...我承認我呷醋，雖然我知道我同佢身份，簡直係天淵之別。
但係我哋真係差咁遠咩？
我同佢鍾意咗同一個女仔，唔通就係因為我同佢差咁遠，就要拱手讓畀呀杰？
我唔想就咁輸比呀杰，我...





「冇乜嘢呀嘛?成個人呆晒咁嘅？」佢問我。
「喔...無嘢。」佢將我我拉返嚟現實。
「行啦，做晒功課未呀？」佢向住我單眼。
「欸，七七八八啦...」我hea覆佢。

  我同呀杰細個嘅時候就已經識，我哋由幼稚園，小學，到而家中學我哋都係同一間學校，佢就好似我阿哥咁好照顧我。無論我有咩事佢都好有義氣，幫我食死貓，就好似有一次佢上我屋企，我哋打咗好耐機，我一鋪都無贏過佢。最後我玩得太激動，將個手掣打落部電視到。我嗰下被怒氣沖昏咗頭腦，不過當我以為呀杰會篤我背脊嘅事候，佢主動衝出嚟幫我食死貓...

  其實呀杰真係我一世嘅兄弟，佢對我咁好，我自動棄權讓返佢一次都好合理姐，但係我日夜都思念嘅女仔就咁送比人，我...我...我過唔到自己心入面嗰關，要我退出我真係做唔到。
  嗰日我放咗學馬上返咗屋企，我攤咗係張床度，拎起部電話開咗佢IG，我諗咗好耐，我決定放棄...
儘管如是，我相信自己，我相信自己嘅決定，我會喺依度默默咁支持佢哋。




我默默咁擺低咗部電話。我哋大家都無再搵大家。
過咗一個星期後，呀杰佢DM我，
「你今個星期六得唔得閒呀？」
我心諗，呀杰甚少約我，佢約我係咩事呢？發生咗啲咩事？佢唔通要同我講佢哋係埋咗一齊？唔通...
唔通係我諗多咗?
而家每次呀杰搵我講嘢，我都會情不自禁咁聯想到佢...
「可以。」
「老地方等啦。」
佢究竟搵我咩事呢？

到咗星期六，我感覺上今日好似有啲特別嘢，我又講唔出係咩。
「阿哥，早晨，生日快樂呀！」

係喎!今日係我生日，依排為咗防止自己喺咁諗嘢，我每日返屋企就溫書，做功課，為咗充實自己生活，為咗唔想自己再諗。竟然唔覺今日就係我生日。





「嚇死人咩，從來都無聽過你叫阿哥，Anyways，多謝細路。」

我摸一摸佢個頭，微笑回應佢。
我落去樓下坐喺公園等佢。
隔咗一陣，我見到呀杰同佢行過嚟，我諗嘅嘢果然出現咗。

「Yo，到咗啦？」呀杰向我揮手。
「唔。」
「生日快樂呀！」佢向我講。
「多謝...」我唔敢直視佢。
「對唔住呀，我知你嬲咗我，嗰日我唔係有心揼低你架。」佢都幾識留意人。
「其實我知今日係你生日，我又知你同呀杰係最好嘅兄弟，嗰日我咪同佢去揀禮物比你囉。我約咗佢但係我唔記得咗，對唔住呀唔好嬲啦。」佢隻眼水汪汪，好似如果我話吾原諒佢嘅話，佢就會喊出嚟咁。聽完佢解釋，再望住佢依家咁嘅樣，我都比佢真誠打動咗，原来我誤會咗佢哋。
「我冇嬲喎。」我話，我真係冇嬲，只係呷醋姐。
「你無嬲？講笑咩，日日都黑口黑面...」呀杰喺度口噏噏。
「唔好再大聲啲？」我打一打佢個頭。




「送比你架，生日快樂。」佢瞇起隻眼講，晨早嘅餘光照落佢塊面度。

佢送咗一個手工嘅皮製銀包比我，仲要刻咗我個名上去，十隻手指有六隻手指都黏住咗膠布，我見到但係我冇講到出嚟。

「多謝你呀。」
「你哋兩個拍拖啦，當我冇到。」呀杰喺度偷笑。
我哋望住對方，我即時面紅晒。
「我有嘢做走先，你哋慢慢啦。」呀杰轉身就走人。

留低我同佢，兩個人。
跟住就係，我同佢第二次見面...