[個人傳記] 年少荒唐回憶錄: 44. 老土的選擇題
激情過後，我同Katrina整理好衫褲，就離開母校啦，玩左成晚通頂又體力活動完，爬返出去之後都有少少餓，我問Katrina
「我送你返屋企先？定係你想一齊食個早餐呀？」
「喂呀，你點知我肚餓架！」
……其實我仲知道你會眨眼同呼吸既，Katrina中邪果種程度完全唔係甜蜜既感覺，反而係有啲可怕，講乜佢都可以拉到去話我地好合拍咁。不過咁，最少係性愛呢一方面，我係真心覺得同佢幾夾，我小S佢小M，仲要大家都有返咁上下需要。
我冇懶有氣氛咁同佢去食個西式早餐，我反而揀左去飲早茶。冇特別原因，只係因為畢業出黎做野之後，放假都瞓到晏一晏，好少再會去飲早茶，難得啱啱返小學「緬懷」左一番，不如就順便飲埋個茶姐。而Katrina亦當然話佢都鍾意喝茶，好夾好夾啦……我其實已經聽到免疫，冇乜感覺。
飲茶有個地方好就係節奏慢，我同Katrina可以有時間deep talk一番，由於連肉體都交流過，我地既對話內容亦都好深入。比如Katrina會好好奇我過往係一個點既人，係咪成日出去食女，鍾意咩身材，咩體位，有咩性癖好之類。而佢都會分享返佢同未婚夫之間既性生活。Katrina話佢地一個星期平均都會見兩三日，但做愛就一個月可能都係一兩次左右，啱啱開始果陣梗係男方成日想要啦，到後來就開始冇乜性慾，要Katrina主動去挑起佢慾火，再慢慢地Katrina都唔想做主動，有就有冇就算咁樣。
我亦都嘗試代入個男仔去分析俾Katrina聽，兩個人一齊咁多年，火花少左新鮮感冇左，屌閪都好似變左例行公事其實係正常，試諗下，你知我長短，我知你深淺，身體結構到反應我都已經摸到熟哂，仲邊度會有新既刺激可言。如果唔怕既話其實可以試下情趣用品丫，有啲花臣，扑都扑得有feel啲嘛。利申，冇幫任何性商店代言。
而Katrina其實都唔介意，仲幾鍾意，只係佢唔知未婚夫點諗，有時佢暗示過不如去行下性商店，男方都係好呀好呀之後就冇左件事，有啲野，迫就冇意思啦。同埋最大問題係，男方來來去去都係果一招半式，而且大小同時間都唔太滿意，為左未婚夫既面子，佢又唔係好好意思開口，更加唔好話一齊諗辦法或者調理。所以佢話啱先同我做果一次既快感，再對上一次都真係已經數唔到幾耐了。雖然唔知佢講真定假，但你話冇滿足感都呃人既。
飲完茶之後終於真係送左佢返屋企，而Katrina都keep住同我texting，瞓之前會搵我，瞓醒又會話我知咁，對話又會有啲啲曖昧，又會傾下露骨野咁，有時都會諗如果佢未婚夫偷睇佢電話應該都幾大獲。我自己都幾喜歡呢種曖昧關係，大家又冇一個身份，冇咩責任可言，但又連身體都進入過，最熟悉的陌生人咁。我地會keep住一星期約一晚收工食飯咁，好多時都係上邊個口食完就到下邊個口。有一晚，我地食完飯但佢生理期，我地就係海傍散左下步再搭車返屋企，正當我想舉手截的士之際，Katrina拉住我話唔好成日搭的士啦，又唔趕時間，慳啲錢我地搭巴士啦，係巴士上面佢捱住我係度傾計，我忽然覺得原來佢都幾GFable，除左各取所需之外，佢都會為我著想。
慢慢地，我地每次見面都越黎越少講到自己另一半，平時係街都會拖手攬攬錫錫，做盡情侶會做既事，彷彿我地先至係一對情侶咁。我諗係果一刻，我地心入面都係有一個老土到震既問題，「到底應該揀一個自己鍾意多啲既人好，定係鍾意自己多啲既人好？」。係Katrina既角度，佢同未婚夫所有野都好stable，我既出現令佢覺得自己仲有吸引力，唔係已經成為一個師奶，而我俾佢既感覺係所有野都好夾，有浪漫同刺激感，不過要放棄穩定既生活真係唔容易，好需要勇氣。
而我亦都樂於有多一個人對我好，我同女朋友相處，你話受氣咩，其實又還好，多少有啲港女脾氣咁啦，但Katrina對我果種千依百順試問邊個唔鍾意，一句主人埋黎我心都融化啦。算唔算沉船？其實我自己唔太覺得係，因為我覺得如果呢個唔係Katrina而係第二個，我都一樣會貪戀呢種情感。而且我係貪心姐，你問我有冇諗過放棄當時既女朋友，99%時間都冇。咁下一個問題就係，再咁樣玩火會唔會玩到上身燒到自己？
有一次，我地去食西班牙菜，席間都小酌左兩杯，Katrina有意無意間都有探聽我同女朋友之間既問題，嘗試去同我女朋友做比較，我唔否認係Katrina身上得到更同既愛，不過我冇講得好明白，兩個原因啦，第一，我唔想佢有任何僭越宜家呢種關係既想法，怕上身。第二，我唔想佢憑借自己既優點就鬆毛鬆翼，會慢慢變得冇咁下把。你可以話我自私，但我相信人從來就係咁自私既生物，除非你遇到一個你可以為佢放棄自己既人 (E.G.我老婆)。
同時間我亦都會好似感情顧問咁同佢剖析佢同未婚夫之間既關係，當年既Katrina好似先二十中，講結婚我覺得真係早左少少，特別係我覺得人係投身社會之後會有幾大既變化，思維模式、價值觀、自身需求各方面都係，你連呢個世界都未見識到，點樣可以說服自己定下心來呢。但呢啲說話，當然都係暗示為主啦，我講得太明白，同水佢分手加引火自焚無異，但字裡行間都已經見到Katrina已經一頭「中」左埋黎，隨時都會飛左個未婚夫咁。
「言呀，你覺得呢，做人係唔係應該順住自己個心去做呀？」
「如果早幾年既我，我會答你係，不過人大左就明白人生好多時就係取捨兩個字，要取，就要捨，近年成日講既平行時空，我覺得就係每一個唔同選擇下既發展，冇話邊個啱同唔啱，承受到結果就得，不過就算承受唔到我諗都要硬食」
「講到咁灰？或者選擇左一個更美好既時空呢」
「我個人鍾意先做最壞打算姐，計算過結果，先衡量到重要性，先會珍惜，因為有啲野會係你好唔想失去」
「唔知係咪男女大不同呢，我個人就簡單啲，順心而行，搏一搏，單身變摩托嘛」
「兩個轆好危險喎，分分鐘車毀人亡架」
「女人都係任性架啦！」
真係任性過阿May……係同佢傾計既期間，我都會反思自己既心理狀況，我唔知係因為我對Katrina冇乜愛丫，又或者我好愛我女朋友，定係我成熟左，同當年沉小M藍藍船唔同，我可以好通透咁跳出黎睇哂成個full picture，好了解我需要啲咩同我既底線係咩，對好多說話都可以免疫咁。當然，當Katrina有時主人前主人後，咁就梗係心思思啦，但當佢暗示考慮悔婚而同我一齊，我果一刻係驚而唔係興奮，換轉係以前，我諗我會為左我自己既吸引力滿足同自豪。