59 Tattoo

個護士長推我去廁所我擰轉頭叫住佢
問佢咩事 突然護士越推越快
推我出半空倒塌緊既建築物混雜一大堆屍堆撲埋嚟
驚到扎醒咗 鬧鐘響起
我成頭額汗 汗同眼淚將我成個背同床單整濕咗
我從未試過發一個臨場感咁高嘅夢
好似親歷其景
唔緊要啦反正發夢 今日最緊要期待嘅就係
M記出糧 去紋身啦 紀念下人生第一份糧
同第一份工 當然我知道未夠秤啦




但我生得咁老積 冇事嘅 我諗住上網搵啦又打電話一聽到我未夠18歲就算咁當然
我真係未夠秤吖嘛 我了解嘅
放學之後我喺白田商場經過見到一間好老式嘅紋身店 （59Tattoo) 佢睇起嚟好似20
歲左右 我喺出面裝裝下
佢就嗌我入嚟啦 入世未深嘅我 見到成身 成面紋身（都仲見到個樣嘅）點都會驚我嘅我視線被迫望向牆身嘅畫
見到好多都用粗線黑色/彩色嘅圖案
船錨 女人頭 匕首 燕子 林林種種圖案
佢問想紋咩啊細佬 佢介紹自己Marcus
我冇答 佢我淨係點下頭
佢見我成個怕羞仔咁樣 佢搭我膊頭




唔使驚 門口叮噹郵差送信
佢行開嗰陣時 我仲考慮緊紋咩
你返嚟面對面大家坐咗喺度
瀰漫着Dead air 十幾隻烏鴉飛過
我隨手攞起紙筆畫左
我尋晚發惡夢嘅一個圖案
佢如釋重負咁望住我
之後佢準備好紋身程序 落針嘅時候
突然我問咗個好尖銳嘅問題
佢放低支紋身槍 深情咁望住我




今日你行出呢個門口就算我唔幫你紋
你總會搵一個幫到你紋
與其去啲龍蛇混集嘅地方紋甚至黑店
就係咁學壞左咁
倒不如我花少少時間同你傾吓計
俾你了解吓紋身文化仲好啦
加上呢度又冇閉路電視 我唔斷正
你話有 我話冇 根本告我唔入
而且學生哥紋身唔驚俾人捉咩
佢陰陰嘴笑你驚過我喎 靚仔
臨走前 我認真望咗佢成個人
我個頭突然痛一痛 好認真咁問佢：
我係咪見過你㗎
佢話：想溝啊我靚仔我唔係Gay架
佢走埋嚟望住個紋身篤我心口




咁我就出咗去lu 行行吓
我都奇怪點解佢冇同我講保養措施嘅
突然我見到我學校嘅訓導主任喺入邊同佢鬧緊交
我心諗都唔知見唔見到我添
唔係啦 過咗海就神仙