【智鬥／校園】 過三爆四俱樂部！ (每日更新): Part II :: 十二門徒

一推開門，最震撼我的不是眼前上百檯的麻雀檯，而是那個肌肉澎湃的中年大叔，可憐的白背心都快要被撐爆！

他一看見誠哥，兩塊碗公般的胸肌又漲大了幾分：「𡃁仔！又係你！咪警告過你唔準你再入嚟賭錢囉！」

誠哥處變不驚，伸出手掌道：「收返埋對車頭燈先，我今日不單止唔係嚟賭錢，仲要送錢俾你哋！」

肌肉大叔一臉厭棄道：「搵鬼信呀！快啲走！老板話唔歡迎你！」

「好好好，我唔賭。但佢賭得啦掛？」他一邊笑嘻嘻地說，一邊指著我的頭頂。





我瞬間糊塗了，連忙解釋道：「喂喂喂！我唔識打牌㗎！」大叔聽了雙眼居然亮了起來。

誠哥似乎是鐵了心要推我落火坑，馬上追擊道：「係呀，我呢位朋友初哥嚟咋，咁佢驚咪陪佢嚟囉。你老板有冇話唔俾我入嚟坐先！」

「咁、咁又冇⋯⋯」看來大叔確實肌肉發達，頭腦簡單。低頭思索半晌後，竟然還真的同意了：「好喇！但係要綁住對眼！」

倒是誠哥這次不淡定了，他躊躇不定來回踱步，最後眉頭深鎖地答應時，大叔都笑得開懷了。

「但是，我有個要求。」誠哥焦躁地看一看錢包，然後在大叔耳邊說了幾句悄悄話。





大叔聽後仰天大笑，喊得幾乎要拆掉天花板，嚇得幾名雀客爆了幾句髒話。

「好！我喺度做咗咁耐，你都叫最冇人性，」大叔拍拍手掌，高聲呼喊：「人來！同我叫『十二門徒』過嚟！」