【智鬥／校園】 過三爆四俱樂部！ (每日更新): Part I :: 天上天下

「特斯拉晚年研究大量超現代科技，例如時空穿梭、潔淨能源、通靈術……不過礙於當時嘅科技限制，孫高山無辦法應用喺革命事業上，只能夠將資料留喺母校——XGU。」

盈盈頓了一頓，續說：「後來呢份資料落喺某個熱血青年手上，佢利用呢份資料拉攏各個大學教授同高層，首次成功以學生身份表達訴求，成為第一屆學生會會長。」

「特斯拉手稿從此由每屆學生會會長繼承，慢慢建立起學生會嘅權威同影響力。咁你而家明唔明，點解我哋話今次學生會解散係陰謀？」

我巍巍抖抖地說出自己的猜測：「你係話，校方係為咗手稿，而故意搞散學生會，再扶植自己嘅勢力參選勝出？」

她點一點頭說：「聰明！一旦俾佢哋得逞，學生就會冇咗好多自由，因為最近社會輿論好質疑大學生搞亂社會，所以學校一直都想打壓我哋……」





忽然間兩條強而有力的臂彎圍繞著我的肩膀，身後傳來熟悉的聲音：「所以我哋嘅目標就係勝出學生會補選，獲得特斯拉手稿，改變呢間低能大學！」

我頓時打了個寒顫，抖一抖肩便從誠哥的擒抱中掙脫開來。如此唐突的舉動，使他在我心中的形象幻滅了幾分。

哈利仔依舊冷冷瞟他一眼，道：「以為你聽朝先醒。」但對方只是聳一聳肩。

盈盈沒有理會二人拌嘴，卻是認真問我：「就算係咁，你係咪都願意幫我哋？一旦加入，就冇得返轉頭㗎啦！輸咗，話唔定就會俾人踢出校。」

我確實猶豫了一下，但怒火仍然凌駕了理性，便毅然決然道：「當然！」





聽罷俱樂部四人都露出欣慰的笑容。我們的命運也就此，被看不見的細絲連在一起了。

我感覺內心多了一份重擔，但也無妨，一切都是為了讓那女人後悔曾踐踏別人夢想！

不過……對方實力深不可測，而且還有校方的全力支持，勝出學生會補選真的比登天更難。

誠哥似乎看穿了我的憂心，便說：「唔駛擔心！你知唔知點解呢度叫過三爆四俱樂部吖？」

我搖了搖頭。





「因為我哋係天才中嘅天才。」他的眼神沒有一絲動搖，彷彿在說……

天上天下，不過是我們的遊樂場。