【智鬥／校園】 過三爆四俱樂部！ (每日更新): Part I :: 如果你想喺大學實現一個願望，請入一入嚟

這篇帖子的標題如同一場及時雨，澆熄了我內心的焦躁不安。

平常我會稱這些帖子為「阿拉丁神燈」，不用看就知道是騙人的技倆，但這次我願意一窺究竟。

這裡是腥港大學的網上討論區，樓主選擇匿名發言，頭像是笑喊emoji。









有冇試過好想溝到女神，但淨係敢偷睇佢IG ？

有冇諗過唔駛溫書但最後A range ？

你係咪好想識多啲 friend，但又唔夠膽講嘢？

成日都會有人同你講入XGU 要搏盡無悔。你唔係未試過，只係無論你幾努力都好，總會有班人喺好遠嘅地方，飲住酒唱住歌攬住女，高談闊論自己今年又有癲 list。

你可能會妒忌，但你又會同自己講：算啦，咁係自己唔夠人地醒目姐。

但如果我話你聽，成功並唔抽象，而係摸得到捉得緊嘅某樣嘢呢？

天機不可洩漏。如果你想改變 U LIFE，留低你一個願望，有緣嘅我哋自然會見。

呢度聚集咗最怪最獨特最聰明嘅異類……歡迎嚟到過三爆四俱樂部。