《愛在。貴族學園》: Ch 18 ~ 鬧翻 Part 11

Ch 18 ~ 鬧翻 Part 11（連載日期：2022/09/10）

「Hello禮謙公子！嘩，程公子果然人如其名，成個謙謙君子咁樣！」講野嘅係李太。

「係囉程公子，你地已經享用完晚宴啦？咁快就可以過嚟搵你班朋友仔嘅？」林太都接住李太問禮謙，搞到禮謙都有少少唔係太好意思。
 
「多謝兩位auntie咁欣賞我，我都真係唔敢當，而且，你地每一位今晚套衫都好睇呀。至於點解我可以咁快過嚟，都係因為我爸爸見時間都差唔多，而且佢都要傾下生意，所以咪叫我自己一個出嚟搵朋友玩，免得我太悶喎…」禮謙一貫嘅有禮貌，自然都得到兩位auntie嘅欣賞。
 
李太微笑回應道「咁殷殷你地幾個，就唔好要程公子等啦，食完嘢就出去跳舞或者行下啦！」





「咁小軒、殷殷，你地行得未呀？」韻喬聽到李太咁問，就問下身邊幾位朋友，但佢地同時都點點頭表示ok。

「咁幾位，我地都失陪啦！」俊軒、韻喬同天殷講完之後就同禮謙走出舞池。
 
「嘩！個舞池好似好大啵！而且都大過學校個studio唔少喎！」韻喬出到去之後，非常驚奇咁講。

「哈哈！畢竟呢度都係有錢人嘅玩意嘛，當然唔可以同學校比啦，雖然我地學校都好有錢同肯投資落去設施上面」今晚帶住韻喬嘅俊軒答返對方。
 
「係呢，小軒、謙謙你地兩個，唔知你地今晚會請邊個跳舞呀？」天殷喺出到舞池嘅時候，就專登問下兩位男士，睇下佢地會點樣答。





畢竟好多時想知道到底自己鍾意邊個，都係喺呢啲選擇嘅時刻，不經意咁講出口。

殊不知，世上真係無獨有偶嘅事實在太多，今次居然包括埋挑選舞伴。禮謙同俊軒同時都答「小喬！呃…」，結果搞到佢地幾個之間嘅氣氛，尷尬到一個極點。

首先俊軒同禮謙同時都望住對方，喺心裏面點解又要製造麻煩畀大家，因為一場爭女大戰，似乎又要再一次上演。

而且，今次同上次喺街上一樣，都係兩個男仔喺公衆場合度爭奪韻喬。

但喺呢一刻佢地兩個都冇聲出，而且都唔敢出聲，因為佢地都唔想破壞個場合，以及要韻喬難做。
 




至於“女主角”韻喬，喺聽到俊軒同禮謙個答案之後，自然都表示非常愕然，瞪大對眼望住俊軒同禮謙問「你地兩個都…..認真咖？！如果你地兩個都同我跳嘅話，咁殷殷佢點算呀？而且，我都無可能分到身，同哂你地兩個一齊跳咖喎？！」

「唉，又冇人同我跳舞啦！仲話好朋友喎！明哂啦！」天殷非常失望咁講，而且仲眼紅紅想喊咁樣。

面對呢個情況，韻喬於是就開始向禮謙打眼色，要求對方做少少嘢化解尷尬局面，始終韻喬都覺得天殷都比較喜歡禮謙。
 
「對唔住呀，天殷……」俊軒同禮謙同時同天殷道歉，但天殷都冇出聲，但好快就有人提出解決方法。

「嗯，既然今日小喬，係以林家嘅身份出席，小軒同韻喬跳舞都好正常啦。咁不如，今晚就我同天殷跳啦！」禮謙當然都有自知自明，而且都接收到韻喬嘅要求，於是就主動將位置交返比俊軒。
 
此時天殷都有少少心動，因為叫做可以同自己心儀嘅男仔跳舞，不過當時嘅自己，都唔知自己已經鍾意咗對方。

「好啦，快啲爭取時間入去跳舞啦。唔好再苦瓜乾咁樣啦你地幾個，快啲一齊入去跳啦！」韻喬此時主動化解僵局道，於是四人就準備正式踏入舞池。

不過，正當大家準備跳嘅時候，有一個人不經意嘅出現，令到佢地四個人見到佢之後，都覺得非常頭痛，甚至比起頭先爭奪舞伴嘅情況更加頭痛同尷尬......





（待續 ~）

IG link https://instagram.com/bear_big_big_writer