《愛在。貴族學園》: Ch 12 ~ 好從實招來啦下 Part 4

Ch 12 ~ 好從實招來啦下 Part 4（連載日期：2022/02/23）

而喺林家大宅，當俊軒做完功課之後，發現原來已經夜晚成十一點。不過，俊軒就突然記起，自己今日仲有嘢未做……
 
「弊，我差少少唔記得要叫殷殷搵小喬，提佢要搽藥油去隻腳度添！之不過，我又冇小喬電話，IG DM我又怕佢唔睇，我都冇辦法可以直接搵到佢……」

於是俊軒就唯有嘗試send Signal，畀對方嘅死黨兼自己熟人，天殷……

「5A林俊軒：殷殷，唔好意思呀，咁夜仲打搞你！我做功課做夜咗，唔記得叫你幫我提小喬佢要搽藥油       23:10」
「5A林俊軒：唔知你依家可唔可以幫我打電話畀小喬，叫佢記得搽咗藥油先好訓呀，我冇佢電話，唔該你       23:11」




 
不過，天殷好快就覆俊軒機......

「5A李天殷：軒少，你會晤會夜咗少少呢？成11點啦喎。     23:12」
「5A李天殷：但係我都照幫你試下打啦，你等等……      23:12」

「5A林俊軒：因為我都係做功課做到唔知時候,對唔住       23:13」
「5A林俊軒：不過都唔該殷殷你         23:13」
 
過咗三分鐘之後，天殷再喺Singal度回答俊軒





「5A李天殷：小喬佢冇聽呀，不過我幫你喺Singal度同佢講啦     23:16」
「5A李天殷：好心你明知要提小喬搽藥油，你就自己睇住時間啦！       23:17」

「5A林俊軒：oh my bad，唉最近功課都開始多，搞到我真係唔知時間添      23:18」
「5A林俊軒：不過都唔該殷殷你先。希望韻喬個大頭蝦記得搽藥油啦        23:18」

「5A李天殷：唔使客氣，大家又係同學，本身我地又識。不過我想問喺你臨走之前，小喬喺屋企咩情況呀？       23:19」

「5A林俊軒：其實已經好返好多咖啦，冇喺學校嘅時候咁辛苦      23:20」




「5A林俊軒：如果個傻妹有搽油嘅話，聽日應該都ok咖啦，放心       23:20」「5A李天殷：今日……真係麻煩哂你啦       23:21」
「5A林俊軒：唔會啦，張韻喬為咗我，付出咗咁多，依家我為佢做返啲嘢都好應該啫      23:22」

「5A李天殷：哈哈，睇黎……你嘅決心都應該唔細喎！      23:22」
「5A李天殷：希望你真係可以洗底成功啦       23:23」
「5A李天殷：好啦小軒，我都眼訓啦，你早D休息啦=)      23:24」

「5A林俊軒：多謝你！你都早抖啦殷殷!聽日喺學校見         23:25」

「5A李天殷：好啦，聽日見       23:35」天殷講完之後就冇再出聲。
 
「唉，希望張韻喬聽日真係冇事啦！」俊軒喺臨上床休息之前，喺洗手間自言自語道。

不過，喺上床之後，就因為韻喬冇聽到天殷電話嘅關係，於是俊軒成晚都訓得唔好，訓下醒下咁。但就喺張床上面典黎典去之時……





「不過，你自己不如今晚墊高個枕頭，好好咁諗一諗啦，問心一句自己到底鐘唔鍾意小喬啦，或者對小喬有意思」
 
俊軒再次諗起頭先喺程家大宅，禮謙私下同自己講嘅一席話。俊軒於是都不停喺腦海中，再次浮現最近同張韻喬嘅事。

然後，俊軒都有墊高枕頭思考，問清楚自己到底係咪鍾意韻喬。

喺經過一輪腦交戰後，俊軒就喺戯裏面話，“嗯，就咁決定啦…..”，然後就安心咁休息。

（待續 ~）

IG link https://instagram.com/bear_big_big_writer