《愛在。貴族學園》: Ch 7 ~ 綁架 Part 4

Ch 7 ~ 綁架 Part 4（連載日期：2021/10/21）

「喂，早晨呀小喬！」
 
「殷殷早晨呀！你地係咪已經出緊黎啦？」韻喬認出係天殷之後，就同對方打個招呼。
 
「係呀，依家我地啱啱喺九龍灣上咗公路，喺麗晶花園嗰邊，司機話大概20分鐘左右就會去到你屋企樓下咖啦，我想問你ready未咋嘛？」
 
「我都差唔多得咖啦，你喺我屋企樓下接我？」韻喬一邊喺睡房裏面set頭，一邊繼續同天殷講電話。
 




「係呀，咪就停喺渣華道等你囉。我地部車你認得咖啦？」

「我認得呀，黑色咖嘛部車。不過如果你行東區走廊嘅話，記得喺銅鑼灣出口落橋呀」

「如果唔係喺北角落橋嘅話，你司機會兜唔到入我屋企樓下段渣華道咖」韻喬細心提醒道。

「知道啦，一陣間我去到渣華道嘅時候，我打個電話叫你落樓啦！記得呀，係黑色車呀」天殷再次叮囑韻喬，費事韻喬上錯人地嘅車。

「ok，咁一陣見啦，see you」「ok一陣見，bye」收線之後，韻喬就繼續整佢嘅頭髮，畢竟韻喬都留咗呢把長頭髮好耐。





雖然學校對於女同學嘅頭髮，冇咩太硬性嘅規定（除咗染髮），不過韻喬平時都係扎住頭髮返學，所以知道韻喬呢把長頭髮嘅人其實都唔多。

再過多15分鐘，韻喬就收到天殷嘅Signal，話佢地嘅座駕已經差唔多到。

於是韻喬喺閂好門窗之後，就落去樓下大堂，等李家嘅座駕。而李家座駕都好準時去到張家所住嘅福生大廈門外。

當韻喬見到李家座駕之後，就先同天殷揮一揮手，而李家嘅司機就幫韻喬開門「唔該你司機！」「唔使客氣，張小姐！」
 
「喬喬！等你好耐啦！過黎同我坐呀！」「好呀殷殷！不過我已經即刻落樓啦喎，仲等得耐？」天殷非常高興咁，拉住韻喬坐喺自己身邊。





「咁都要計埋我地出黎嗰陣嘅時間咖嘛！」「哈哈，正一傻妹黎，使唔使計得咁盡呀？」「梗係要！」
 
「蕭管家，我地可以開車返去啦，唔該你！」「知道啦小姐！」身兼司機嘅蕭管家回答之後，車就沿渣華道，向東區走廊進發，然後再過海往李家大宅開去。
 
喺座駕上邊，天殷同韻喬兩個老友鬼鬼嘅小女生，沿途都有講有笑，話題自然都離唔開班入面嘅壞話，以及關於化妝打扮方面嘅事。

不過，平時的確比較懶嘅天殷，居然問起一下嘅嘢「喬喬呀，Ms張尋日咪講《六國論》嘅？」「係呀，做咩呀殷殷？」

「我呢…尋日上堂嘅時候，我好留心去聽咖，但係都聽到我一頭煙，唔係好明白啲語譯，你一陣可唔可以抽時間教一教我呀學霸1號？」

「乜嘢學霸1號呀？我都話過好多次我唔係囉！而且你唔係好鍾意叫我天才咖咩？！」韻喬試圖糾正對方道

「雖然我今日冇帶中文書喺身，不過我都可以教你啊！你唔明邊度嘅話，一陣再話我知啦！」

「Wow！天才喬對我真係好啦，好抵錫呀妳>3<」天殷突然錫咗韻喬一啖，始終依家佢地唔係喺學校範圍，行為上自然都可以open多少少。





而面對天殷突如其來嘅一吻，韻喬塊面都即刻紅咗少少。
 
「係啦，蕭管家」「係，咩事小姐？」蕭管家一邊揸車，一邊回答天殷

「一陣返到屋企之後，麻煩請你幫我去大衣帽間度，準備定幾套晚禮服畀我同張小姐吖！唔該你。」「知道啦，小姐」蕭管家回應道。

（奉政府喻，請各位喺行車期間，盡量避免同司機談話，或者做一啲可能會干擾司機駕駛嘅行為，因為司機一分心嘅話，可能就會發生交通意外。天殷今次嘅行為屬於反面教材，敬請各位讀者切勿模仿）

韻喬聽到之後覺得天殷呢句話好奇怪，心諗“點解要準備幾套晚禮服呢？”

不過韻喬都冇去問天殷，而係繼續其他話題。但係開始之前，韻喬見天殷頭先咁危險嘅行為，於是出於好心就同天殷講

「殷殷呀，其實你地蕭管家喺揸車嘅時候，需要大量精神去睇路咖。所以呢，你最好都係唔好喺司機揸車嘅時候，走去同對方講嘢呀，知道未呀？」





天殷自知理虧，唯有向韻喬低頭道歉「知道啦小喬，對唔住蕭管家」

蕭管家今次只係通過倒後鏡，向天殷同韻喬表示謝意，之後天殷都冇再喺蕭管家揸緊車嘅時候，同對方講嘢。

（待續 ~）

IG link https://instagram.com/bear_big_big_writer