《妖具》-我無啦啦做左個道士，仲要係全香港最大粒果個 ! ?: 《鎖羅盆村12》

「呢度全部都係塵…應該都真係荒廢左好耐…」Aoio手指在牆身輕輕一抺，手指上是厚厚的積塵。

「咣啷！」Aoio聽到有什麼跌落地下的聲音，立即把手中的電筒四處張望。

「嘻嘻…」Aoio明確地看到一個女子，站在門內，下一秒便跑進了房內。

「真係有鬼呀！喃嘸阿彌陀佛！有怪莫怪細路哥唔識世界！」大隻男也看到了女鬼。

「大家睇唔睇到？」Aoio沒有理會大隻男，而是問問觀眾有沒有人看到，畢竟這就是Aoio最期待已久的效果。





（留言區）
「真係有！」
「我都睇到好猛！」
「+1」
「猛到爆！快走！」
「搵人扮野炸？入去睇下啦」
「鬼呀！禾考驚驚！」

「大家都睇到，咁我地入去？」Aoio問一問觀眾，再望一望俊仔，俊仔立即有所動作，而是拿出了一張符紙。





「咁我行先！」俊仔主動請櫻，走第一個。

俊仔一走進房間內，房間不是普通的一間房而是一個天井中庭的地方，中庭的正門是一個滿佈蜘蛛網的祠堂。

而最引人注目的是放在中間的一口棺材。

「呢度有咁大嫁咩？」Aoio心中也出現了一絲的不安。

在出面看起來絕對沒有這麼大，而且感覺上入面應該還有不少的空間。





「不如走啦？好似好猛！」大隻男愈發的害怕，一心只想走出外面。