《妖具》-我無啦啦做左個道士，仲要係全香港最大粒果個 ! ?: 《百寶堂7》

「你真係要？」綽伯伯在作最後的爭扎。

「以防萬一姐，同埋今次唔係我用。」綽伯伯立即鬆了一口氣。

周婆婆把七星蓮花燈交到阿泳手上。

「呢個又幾多億？」阿泳已經被那價錢嚇怕，剛才早就被那支藥嚇得魂飛魄散。

「唔洗錢…只係一件故人的東西。」





周婆婆再向綽伯伯要了一些東西，全都是一些制作陣法的材料。

「走啦，一共幾錢？」

「一共10億5千萬，請問現金、碌卡定肉償？」綽伯伯眼神十分的好色。

「修復大陣一共12億，請問現金、碌卡定肉償？」周婆婆反問綽伯伯。

「肉償！」綽伯伯想也沒想便回答了周婆婆的問題。





周婆婆一拳打左他的頭上，「死鹹濕佬！入落我戶口，反正你又唔會走我數。」

周婆婆說罷便轉身走人，只留下綽伯伯一人。

「離B~」綽伯伯大喊一聲。

「小心啲。百寶堂一直都留左個位比你。」綽伯伯拍了拍身旁的一張椅子。

「嗯～走啦。」周婆婆只是輕輕的回應了一下綽伯伯便頭也不回地走出了別墅。