《妖具》-我無啦啦做左個道士，仲要係全香港最大粒果個 ! ?: 《百寶堂4》

「你唔係…」阿泳指著綽伯伯的雙腳。

「哦～唔係。」綽伯伯把鐵鏈踢開，重新坐回輪椅之上。

「我懶得行姐。」

「同埋我成日都聽人講，我咁有錢打跛腳都唔洗休，咁咪試下點知一試就上癮。」綽伯伯一臉無奈地表示，但不知為何卻有一種想打他的衝動。

「不過都算合格啦，雖然同呀欣的表現差天共地，但反應都算不錯。」





綽伯伯看到周婆婆臉上有一絲的沉重，便一下打到周婆婆的屁股上。

「都係離B嘅最啱我手型。」

「仲黎！死變態！」周婆婆再次揮拳而至，綽伯伯卻任由他打沒有躲避。

「綽伯伯你真係學唔乖～」阿泳嘆了一口氣。

「好啦～今日你地黎想做咩嫁？唔會淨係介紹個靚女比我識掛？」綽伯伯看穿了周婆婆的目的。





「我地想黎買啲野。」

「早講嘛～離B泳B你地跟我黎。」綽伯伯一下跳下輪椅，帶著他們兩人走上樓梯。

綽伯伯手放在背後捏了幾個法訣。

走到二樓之時藥材的味道變得更加濃郁，輕輕走過一陣薄膜所有的寶物一入眼簾。

「離B幾時幫我升級下個陣法，都成30幾年冇變過。」綽伯伯充滿期待的眼神看著周婆婆。