《妖具》-我無啦啦做左個道士，仲要係全香港最大粒果個 ! ?: 《保羅5》

「我地嘅力量唔係都係黎自主？」保羅亦提出了疑問。

「傻仔黎嘅。」老師輕輕拍了拍保羅嘅頭，反應極快的保羅立即提手格擋。

「擋？擋咩擋！」老師強行把保羅的手壓下去，保羅亦沒有繼續抵抗，任由老師拍下去。

「我地既力量其實唔係黎自於主…er…應該點講呢…」

「應該話天主經，聖歌等等都只係釋放自己力量的一個媒介，就好似道士用符紙一樣。」





「只要你明白個原理，你就可以用所有嘅咒術。」

「就好似咁。」說罷老師便從口袋中抽出一張符紙，輕輕一丟便丟到假人身上。

「爆炸符！」符紙像一般的爆炸符一樣，瞬間炸開。

「道理就好簡單但實際做起上黎唔係咁易嫁。」老師重新把符紙袋回褲袋。

「不過其實神魔都唔係離我地好遠…」老師一腳踢向坐著的長椅，長椅下的一個暗格突然打開，裹面藏着一把劍。





「雖然呢啲都係我地近呢50年先發現，之前呢啲一直視為傳說和不傳之秘的存在。」

「我地依加對『佢地』的了解並唔多，只有一啲歷史嘅記載。一般我地都稱佢地為『妖具』…」

保羅有些好奇一把平平冇奇的劍跟平常的有什麼分別？又為何可以證明神魔離我們不遠？到底妖具有什麼特別？

保羅的手慢慢地靠近那件「妖具」…