《妖具》-我無啦啦做左個道士，仲要係全香港最大粒果個 ! ?: 《保羅2》

「呢把刀未開刃嫁，你試100次都唔會砍得開。」

「黎，我教你。」女孩手把手教保羅如何握緊刀。

「刀要反手揸咁先揸得穩。」女孩的手散發出微弱的一絲光芒，然後一用力便把假人的胸口割破。

「係咪睇落好簡單呢？，但係其實要用靈…」話未說完便被保羅打斷了。

「我試下…」保羅跟著那女孩的動作，一下便把假人的胸口割開了。





「一般快嘅都要兩三個月，而我都學左足足三日，你之前學過？」

「冇…」老師也留意到這邊的情況，再次仔細看了看那些資料。

「哼！」老師看著資料嘴角偷偷上揚。

「陳鴻天呀，陳鴻天你又係邊度發掘左啲怪物新人比我教。」

「唉算啦…睇在大家都係十道嘅臉上。」老師看著他們兩人，繼續點起下一根香煙。





老師一步步走近兩人，從後靠近兩人。

「你地兩個咁好傾，不如你地兩個暫時成為一個team。」

「er….我就叫『老師』，保羅之後你地兩個都會跟我，你地做自我介紹先啦。」

「你好我叫狄娜。」狄娜伸出左手。

「我係保羅。」保羅十分靦腆地握了握狄娜的右手。