《妖具》-我無啦啦做左個道士，仲要係全香港最大粒果個 ! ?: 《妖氣》13

「佢練嘅係你自行研法的法術，甚至係我都學唔識，咁先把地煞七十二變教佢，全個洞府又只有佢學其他人想教都教佢唔到。」

「玉皇大帝好開心，賞賜你一支仙藥。」二郎神從腰中拿出一瓶藥給菩提祖師。

「真係小氣咁都淨係比一支。」菩提祖師十分不滿。

「冇辦法啦，大雷音寺都要分，你分到一支已經算係咁啦。」

「不過諗唔到小小的花果山居然有仙藥，仲要一次過有五支。真係要多謝悟空，唔係我地都唔知有咁嘅好事。」菩提祖師想起都開心，想著這瓶仙藥該怎麼使用。





「花果山你確定冇生還？最好你自己睇多次，我走啦。」二郎神準備離開。

「肯定冇啦今次天庭同大雷音寺一齊出手一定冇問題，我送你？」

「唔使啦，不過唔怕一萬至怕萬一。」二郎神不厭其煩地再說一次，便推門離開。而菩提祖師繼續陶醉地望着那一瓶仙藥。

我怒氣沖天，從罅隙中狠狠地盯著菩提祖師，咬牙切齒，手中的拳頭緊握，鮮血緩緩從拳頭上落下。

同時我眼中的眼淚亦不由自主地流到我的臉龐，我再也忍不了，猴子猴孫滅門之仇，我定要為他們報仇，那怕成魔也在所不惜。





我用地煞七十二變幻化成二郎神的模樣，二話不說便打開了大門。