《妖具》-我無啦啦做左個道士，仲要係全香港最大粒果個 ! ?: 《天師之死》9

「一早話你印堂發黑大難臨頭，你又唔相信，依加信啦？」

「我相啦…大師救救我！」余落像是捉緊了最後一根稻草一樣，苦苦哀求張文龍。

「恐怕難啲…」聽到張文龍的說話，余落心像是坐跳樓機一樣，好不容易燃起的一絲希望又再一次熄滅。

「咁咪死緊…我…我唔想變到鐵人咁…」余落兩眼無光，自殺的念頭由然而生。

「難啲姐，又唔係死緊。」張文龍依然是一臉自信。





「我話曬都係龍虎山天師，雖然難啲但係都仲有一線生機。」

「我一早見到依度煞氣沖天，係冇諗到會比我遇見到傳說中的母子煞…」

「我都係第一次見到，唔知有幾多成把握，不過愈難先愈好玩。」張文龍做出一個略帶玩意的表情，仿佛事不關己一樣。

「第一次…你唔驚嫁咩？」

「驚！不過我出黎遊歷咩都要試下。老天師講過「人一世物一世咩都要試下。」，同埋反正要走我一定走到。」





「大師…」

「噓！」張文龍突然認真了起來。

「黎啦…」余落手中的電筒也閃爍了起來，那恐懼感直捲入大腦，雙手不由自主地顫抖。

「嘻嘻…」那陰森森的笑聲不斷回盪，但卻只聞其聲，不見其人。