《妖具》-我無啦啦做左個道士，仲要係全香港最大粒果個 ! ?: 《天寶閣拍賣會》16

「恐怕同逢魔之時有關…」

「逢魔之時都已經差唔多。」玉藻前屈指一算，另一隻手卻偷偷拿出手機看日期。

「我知…每500年一次的逢魔之時。」我聽過張道仲說過，逢魔之時六件神器的覺醒。

「不過有樣野你地可能唔知。」晴人準備把有關逢魔之時的事情告訴我們。

「今次嘅逢魔之時並唔單單係百鬼夜行、生命塗炭嘅問題。而且今次被封印嘅六件神器都會同時自動解封﹐我地唔知並唔知道神器封印喺邊度﹐想預先提防又或者加強封印都做唔到。」





「我知道但係神器解封又有咩問題?」我一早便知道六件神器會解封的事情﹐但一直都不明白有什麼問題。

「知唔知神器點解會比人封印?」晴人把問題再次丟到我身上。

「太強?」

「都係其中一部份的原因﹐最主要係神魔大戰...」

「正所謂一念成神﹐一念成魔。」





「當神器與人嘅六欲所連接﹐欲望有左強大嘅力量後﹐就冇任何嘅人能夠阻止﹐只有神器先可以阻止神器。」

「再加上妖具都主要分開左兩大派別。一派主張生靈係佢地的載體﹐所以只有保護生靈先可以永續自己。另一派主張妖具比任何野都強大﹐生命只係工具﹐而佢地就係高高在上嘅神﹐所有野嘅生死大權都係屬於佢哋。」

「而正正因為咁所以先會出現神魔大戰...亦都係佢地被封印嘅原因。」