《妖具》-我無啦啦做左個道士，仲要係全香港最大粒果個 ! ?: 《天寶閣拍賣會》3

玉藻前像是一隻野生動物一樣，用鼻子不斷聞著我身上的氣味。

「老公～（日文）」玉藻前突然從後抱著我，我有些受寵若驚。而且我可以明確地感受到身後有兩個充滿殺氣的視線看著我。

「你係咪認錯人?」不知是出自本能意識還是生存的意志﹐我立即把玉藻前的雙手甩開﹐但玉藻前的手卻是牢牢捉緊我的腰﹐怎樣也甩不開。

「冇可能﹐你雖然嗰樣完全冇一度似﹐但氣味我一定唔會認錯。」玉藻前再聞多次﹐確定了自己的想法。

「老公 ? 」阿泳把一隻手放到我的肩膀上﹐用「和善」的笑容向我問著。





「我唔識佢嫁﹐今日先第一次見。」我連忙解釋﹐立即用盡全身的力氣把身上的玉藻前甩開。

「點會唔識！我喎！玉藻前！妲己！」玉藻前把臉近乎貼到我的臉上，心跳加速跳動，心跳甚至大到人也能聽到。

「玉藻前小姐，呀行都話左唔識你。」阿泳把玉藻前拉開，同時冰冷地看了我一眼。

「又扮唔記得我，你陣味我化左灰都認得。」玉藻前掙脫開阿泳，在腰間拿出了半支旗。

「你記唔記得當日嘅定情信物。」我看到旗的瞬間便有一種十分熟悉的感覺，仿佛在那裏看過一樣。





「呢支係…」我看著旗子，卻一時半刻想不起在那看過。

玉藻前回憶起當年的景象，默默地留下了一滴眼淚…

「到呢個時候都唔肯認我…我地講過…曾經講過只要攞佢出黎，邊個都唔可以唔認番大家…」玉藻前邊帶哭腔邊說著。