《妖具》-我無啦啦做左個道士，仲要係全香港最大粒果個 ! ?: 《禁后》1

（一年後日本）

「粉紅色雨裘，可遇不可求。」

「大家好，我係雨裘。」

「我係粉紅色。」染著粉紅色頭髮的少女和拿著攝影機的一名男生正對著鏡頭作自我介紹。

「首先～好多謝咁多位收睇我地嘅觀眾。但有冇人知道今日我地黎做啲咩呢？」雨裘對著鏡頭說。





「冇錯啦，就係最受歡迎嘅都市傳說系列！」

「不過今次我地唔係去香港、唔係去台灣，而係黎到我鄉下 — 日本。」

「大家睇到呢個咁偏遠古老嘅地方，就算係夜晚都冇咩街燈，有種講唔出嘅恐怖氣氛。」雨裘向著鏡頭打了個冷顫。

「就係咁先似會有靈體嘅feel，不過聽講傳說呢度真係好猛….」粉紅色用手打了一下雨裘嘅頭，並扮鬼臉嚇他。

「家暴呀！各位幫我做證。」雨裘帶著攝影機向前跑，而粉紅色在後面追。兩人一直打鬧著玩，慢慢走到一間廢棄了的房屋前。





「呢度真係好陰…不如番去？」雨裘不知是否靈感比較強，看到傳說中的屋子有些害怕。

「驚咩吖！都一場黎到啦。」粉紅色絲毫不害怕反而有些興奮。

「快啲開始啦！雨裘又淆！係咪男人黎嫁？」從手機之中傳出一把google 姐的聲音。

「多謝～拉鏈夾到大脾鳥嘅super chat ! 真係囉，雨裘你係咪男人黎嫁！」粉紅色看著留言。

「我梗係男人，一陣間入到去企我後面！」雨裘裝作很大膽，但身體的顫抖早已出賣了他。