《妖具》-我無啦啦做左個道士，仲要係全香港最大粒果個 ! ?: 《下一站太子... 34》

「榮叔都唔知係咪一早知先叫我黎！」

葉雲拿出5個銅錢，未等煙霧散去便把5個銅錢丟入煙中。

「金木水火…」話音未落，5個銅錢同時飛出。力度沒有很大，葉雲輕輕一躍便收回5個銅錢。

「呀呢～睇黎我比人睇少喎。」般若從濃煙中走出，一部分的衣物被炸掉，手擘露出了一個1字。

「1號？！」葉雲流露出一個十分震驚的表情，雙手亦微微顫抖，但只有一瞬間葉雲又回覆平靜。





「唔洗咁驚訝。」般若拍一拍身上的灰塵，淡定得不可思議。

「掌心雷！」一道閃電直線打向般若。

「幫手啦！企係度望！」葉雲向眾人大喊一聲。

眾人如夢初醒，立即拿出法器。

「人多蝦人少！不過今日冇咩時間同你地玩。」般若鬆一鬆肩膀，語氣中感到有點可惜。





「陰陽流轉﹐黑白無雙﹐以鎖眾魂。」阿泳第一個反應過來，雙眼發出淡淡的紅光，從腰中抽出鐵鏈，向般若飛去。

「白無常？」般若一手捉著鐵鏈，鐵鏈動彈不得。

般若手中的戒指再次發出紅光，另一隻手中憑空出現一條鐵鏈。但好像般若戒指上發出的紅光只有我看到一樣，沒有任何人有留意到。

「點解？」阿泳看到有些不敢相信。據他所知，周婆婆把鎖魂鏈交給他時告訴過他，鎖魂鏈只有一條，而與他相配的另一件妖具-「招魂幡」早以失去了蹤影。

「去！」般若手中的鐵鏈瞬間應聲已出﹐鐵鏈無限延長﹐直接圍繞著阿泳﹐把他牢牢困著。阿泳想學般若般捉著鐵鏈，但鐵鏈發出的熱力令阿泳無法靠近。