《妖具》-我無啦啦做左個道士，仲要係全香港最大粒果個 ! ?: 《密室逃脫? 26》

「星雲大師成為獵魔公會嘅會長﹐大家冇意見吖嘛?如果冇就愉快咁決定。」狄娜向著眾人說。

「我贊成！」只有癲狗一人大呼小叫，其他人只是舉手示意贊成。

「一致通過，恭喜星雲大師成為會長。」大家都一同鼓掌。

「鈴鈴…」星雲的電話響起。

「唔好意思，老衲先去聽個電話先。」星雲便走出了房間。





「好! 中場休息。」米露大喊一聲，便從背包中再次攞出零食，眾人也開始各自各做自己的事，有些人去了外面的廁所，有些回到剛剛的房間。

「崎駿，你番去先。」剛離開的宮本對著那名長得像星君鼠的神父說。

「宮本神父唔洗擔心，我地教會雖然…」

「夠啦！我想自己一個靜靜。」還未等崎駿的話說完，便被宮本打斷了。

「係我明白啦⋯⋯」看到宮本的表情和動作，他已經明白這次對宮本神父有多大的打擊。崎駿亦十分識趣地自己先行離開。





宮本的餘光看到崎駿的離開，立刻便走到後樓梯處，慌慌張張地確定四周沒有任何人和監視器，才打出了一個電話。

「喂？教主？」

「對唔住！係我辦事不力，打入唔到獵魔公會的內部。令你失望，真係好對唔住！」

電話的另一邊一直都沒有任何的回應，宮本更從電話中隱約聽到自己的聲音。

敏銳的本能反應令宮本意識到自己的背後有人躲在角落。





宮本不肯定身後的人有沒有聽到自己的說話，但正所謂「有殺錯冇放過」。宮本不發一語、雙眼發出紅光，在沒有任何預兆之下斬向神秘人。