《妖具》-我無啦啦做左個道士，仲要係全香港最大粒果個 ! ?: 《黑煞 ? 1》

「你身上依加封印左一隻鬼﹐不過唔洗咁驚﹐15年後嘅今日我地會再次幫你完全清除。」鴻天拿出一張三角形的符﹐掛到曉晴的脖子上。

「記住依加呢張符唔理發生咩事都唔可以除落黎。」

「另外你係完陰之體﹐呢15年內一定要搵人破身﹐否則依隻女鬼再次放出之時只會再次依附到你身上。」

「完陰之體?」曉晴有些不解。

「簡單黎講姐係處女﹐不過15年流流長﹐又唔須要咁急。」曉晴聽後臉上立即變得通紅。





「之後我地仲去左搵長空大師﹐佢都話如果係天哥兩公婆處理就唔洗咁擔心。」

「基本上件事就係咁。」曉晴把自己所知的一切都告訴了呀行和小藍﹐當然就只有曉晴自己親眼所見的部份。

「慢慢我都忘記左件事﹐最近突然時不時都會發惡夢﹐先發現再過二日就係15年的期限﹐好彩係最後一刻搵番天哥張卡片。」

我立即向小藍打了個眼色﹐問他能唔能夠應付﹐小藍亦左枱下給了我一個OK的手勢。

「放心﹐曉晴小姐我相信你嘅問題我地有能力可以處理。」曉晴一聽到我們能夠處理後﹐眼神中那種失魂落魄瞬間又再次燃點希望。





「咁我有冇咩要準備﹐如果有即管同我講。」曉晴遞上了一張自己的卡片﹐背後有一個手寫的地址-淺水灣道1號。

「呢個係...?」我指著卡片上那手寫的地址。

「依個係我屋企地址﹐如果有咩事可以直接黎搵我﹐另外上面仲有我私人電話有咩都可以隨時搵到我。」曉晴主動把聯絡方法交給我。

「好 ! 咁兩日後我地準備好之後﹐就會到上面嘅地址幫你解決問題﹐一陣啱啱帶你入黎嘅小姐會同你講收費方面的問題。」小藍直接替我回應了曉晴。

很快曉晴便離開了會長室﹐我亦放鬆了一大口氣。小藍慢慢走到剛剛曉晴坐的位置之上﹐仿佛看穿了我有什麼心事一樣。