《妖具》-我無啦啦做左個道士，仲要係全香港最大粒果個 ! ?: 《送肉粽24》

「梓朗﹐真係好彩曉晴沒事﹐唔係我個心真係過意唔去。」

「我今朝去食早餐先知﹐原來琴日廟宇係我地附近有儀式做﹐就係曉晴番去嘅時間。而最大獲嘅係﹐琴日負責的嗰個廟祝﹐發現意外死左係海邊。」

「等陣﹐我琴晚個夢入面都有出現個一啲儀式﹐同我講野嘅係一個好似粵劇化妝嘅老伯伯﹐總知成件事就好詭異。」曉晴回憶起一些夢內的回憶。

「死嘅就係一個化住鍾馗妝嘅老人家。」大伯有些驚訝﹐曉晴形容的跟其他人描述的一模一樣。

「唔通我琴日唔係夢 ? 」曉晴的雙手再次顫抖﹐眼神中滿滿的期待﹐希望有人告訴他一切都只是夢。





「應該係日有所思夜有所夢﹐朝早可能無意之中聽到先諗到姐。」爸爸安慰曉晴。

「不過寧可信其有﹐不可信其無。呀文一般你地係依邊係點處理 ? 」爸爸的內心亦知道世事那有如此巧合﹐但看曉晴的樣子只能先告訴他是夢。

「我地依邊聽人講一般都係去廟宇收驚﹐不過依加好似佢地都唔係咁得閒。」

「我醒起﹐之前有一個朋友同我介紹過一個神婆﹐我地去問一問佢睇下點處理。」大伯拿出一張卡片。

「好 ! 我地食完早餐就去睇下。」爸爸繼續番到飯桌前繼續食早餐。





大伯開車帶著他們一起去到一個看似十分殘舊的舊式公寓面前。

「應該係依度。」大伯拿著卡片慢慢對著門牌號。