《妖具》-我無啦啦做左個道士，仲要係全香港最大粒果個 ! ?: 《神秘的陰陽師3》

「滴嗒~」 晴人的手中傳出了一聲水滴落下的聲音。

「夠啦 ! 」晴人一下便捉實了玉藻前放在他身上的手。

「難得你有六舊腹肌﹐唔好咁孤寒啦~比姐姐摸下。」玉藻前把另一隻手也放到晴人的腹肌之上。

「玉藻前﹐你知你嘅幻玉﹐係我面前係冇用嫁可 ? 」晴人捉起玉藻前的另一隻手。

「都唔好玩嘅。」玉藻前立即收起右眼白色的眼﹐瞬間變回正常的眼睛﹐轉身背向晴人。





「你有止水係身點夠你玩。」

「不過小晴明﹐我...仲有仲有幾耐先可以出番去玩﹐係度好無聊。」

「距離你五百年的刑期﹐應該仲有兩年。」晴人屈指一算﹐算出玉藻前的刑期。

「仲有兩年呀~」玉藻前伸出兩隻手指﹐嘆了一口氣。

「兩年之後.....咪即係下一個逄魔之時。」玉藻前突然一臉的震驚﹐轉身望向晴人。





「沒錯就係逄魔之時。」晴人給予玉藻前一個肯定的答案。

「小晴明﹐可唔可以叫安倍家安排個兩團氣嘅人比我﹐我...。」玉藻前仿佛在對什麼有一種恐懼﹐甚至連嘴唇都開始輕微顫抖。

「姐姐﹐你知唔知依加要搵一個兩團氣的人有幾難。」晴人搖了搖頭。

「依加安倍家培養陰陽師﹐幾年甚至十幾年先出現一個兩團氣嘅人﹐邊有咁易搵畀你。」