《妖具》-我無啦啦做左個道士，仲要係全香港最大粒果個 ! ?: 《華富邨13》

突然出現一枚銅錢直擊殭屍頭上的符紙﹐把原本牢牢的定屍符打下﹐殭屍再度回復自由之身。

「你係茅山道士 ? 」小藍一個疑惑的眼神。

「冇諗到一句就聽得出。」

「除左你地茅山會控魂馭屍以外﹐我真係諗唔到有邊個?」

「哈哈~睇黎你都識啲野﹐咁乖乖地陪我做個測試﹐我可以比你死個痛快。」殭屍瞬間青筋暴現。





「天地無極﹐乾坤借法。定身符﹐急急如律令！定 ! 」小藍再次飛出一張符紙到殭屍的頭上﹐但殭屍頭上嘅銅錢就好像是護身符一樣﹐完全阻擋了小藍的定身符。

「哈~哈~同一招想用兩次﹐天真。」老人放聲大笑。

「都估到﹐呀行一陣你要睇清楚﹐下次再見到就睇你表演。」小藍一臉的輕鬆﹐仿佛沒有任何壓力。

「嗯。」我點點頭亦很識趣到走到一旁。

「老夫好耐冇見過如此囂張的小輩﹐有趣有趣。」





小藍拿出了一把銅錢劍﹐再從衣服的口袋中拿出一支裝著紅色液體的試管。

「我比你件衫入面都有﹐係新研發嘅濃縮黑狗血。」小藍還背向殭屍﹐轉過頭來望向我﹐我輕輕摸摸衣服的內袋果然有三支類似試管的東西。殭屍亦沒有閒下來﹐一下子沖向小藍。

「小心 ! 」我看得十分緊張﹐但小藍卻悠然自得﹐輕輕一個側身便躲過身後的殭屍﹐殭屍直接撲空。