《妖具》-我無啦啦做左個道士，仲要係全香港最大粒果個 ! ?: 《華富邨10》

「今次比你害死﹐我學過下法﹐老師父話過黑狗血對殭屍有奇效。」張天師拿起法壇的另一把桃木劍﹐一下子浸到法壇下的一罐紅色的液體。

「依度我頂住先﹐你去疏散人群快。」

「等陣...」俊仔話還未說完﹐張天師便一躍而起。

「果啲唔係黑狗血黎嫁 ! 只係普通紅色顏料。 」但張天師已經走到殭屍的臉前﹐一劍斬下顯然沒有效果。

「我唔係叫你搵黑狗血嫁咩?」張天師一個翻身再次跟殭屍拉開距離。





「係香港根本搵唔到黑狗血﹐新鮮嘅仲會比人告虐狗。」俊仔一邊疏散人群一邊回應張天師。

「衰仔今次真係比你累鬼死。」

「人在江湖走﹐哪有不挨刀 ! 睇黎今日要將壓箱寶都要用埋﹐你快手啲我撐唔到好耐。」張天師丟下手中的桃木劍開始正常作法。

「八大元帥顯神通 ﹐九候先生雖酒醉 ﹐亦知東西南北風﹐弟子起眼看青天。眾位師父在身邊.﹐十八尊羅漢﹐ 二十四味諸天﹐ 扶助弟子。弟子有請天蓬元帥。」張天師手捏法訣﹐單腳蹬地。

「天蓬元帥現真身 ! 」張天師突然換了一個姿勢﹐雙眼亦發出淡淡的藍光。





殭屍的眼神開始變得凌厲﹐仿佛突然收起了玩弄獵物的心態。以一個誇張的方式張大嘴巴露出極為銳利牙齒﹐雙手的利爪亦慢慢變長。

殭屍以一個極快的速度﹐瞬間來到張天師的面前。還未等張天師反應過來﹐一下子把手中的桃木劍插到張天師的手臂之中。

張天師一臉的難以置信﹐以他多年前練習神打的經驗。甚至是真刀都未能傷他分毫﹐更可況只是單單的木劍。但事實放在眼前﹐自己的手臂之上的的確確插著一把桃木劍。