《妖具》-我無啦啦做左個道士，仲要係全香港最大粒果個 ! ?: 《華富邨8》

「天靈靈﹐地靈靈﹐封鬼於五行。 封 ! 」張天師口中念起咒語﹐符紙亦開始冒出了煙霧。

「咁多位殭屍已經被我收服左。」張天師慢慢走向眾人。

 「你....你....你後面。」 其中一人指著張天師的背後。

殭屍沒有想像中一樣被定在原地﹐並把符紙輕輕吹起。

「嘻...嘻...」殭屍用那乾巴巴的聲帶發出令人毛骨悚然的聲線。





「俊仔搞咩呀?」張天師立即走到俊仔的身旁。

「我點知呀 ﹐平時都冇野嘅﹐你過去問下啦 ! 」

「本天師在此﹐一定唔會比你係度橫行無忌。」張天師向著殭屍大叫一聲﹐再次手執桃木劍沖向殭屍。

「三七氣流一轉﹐乾坤一開﹐開晒佢。」張天師一刀斬向殭屍﹐緊接其後便再一次貼上一符。

「喂 ! 乖乖地企係度唔好郁﹐再郁冇錢嫁。」張天師在殭屍的耳邊輕聲說了一句。





「天靈靈﹐地靈靈﹐封鬼於五行。 封 ! 」張天師再一次急步走回法壇。

「吼～」一聲震耳欲聾的低吼從殭屍的口中傳出﹐殭屍顯然開始表現出不耐煩。

「俊仔搞咩呀 ! 今次搵啲咩人番黎。」張天師怒目而視。

「我都唔知﹐今次第一次合作。」俊仔一臉無辜﹐完全不知發生緊什麼。

「你最好比個解釋我。」張天師拿好法器再一次沖出。





「叮 ~ !」俊仔的手機收到訊息。