《妖具》-我無啦啦做左個道士，仲要係全香港最大粒果個 ! ?: 《十道3》

「小藍姐、陳會長﹐總共發現164具屍體﹐奇怪嘅係大部份的人都係前日死亡。而琴日死的屍體有10具﹐其中9 具屍體己經確認左身份﹐四位係教會成員﹐五位係我地協會會員﹐只有一具冇頭男屍須要進一步化驗先確認到身份。」身穿保護服的人拿著Ipad向小藍報告情況。

「我諗我知最後一條屍係邊個啦。」小藍淡淡地回道。

「陳行聰！」一個穿著像有乞丐的男人大聲疾呼，隨後把原本咬著的一支竹丟向我，在我的臉旁邊劃過，我的臉上出現了一條淺淺的血痕。

「癲狗你發咩神經！」我還未來得及反應，小藍便已站到我的臉前。

「佢一定知道師兄係點死嫁！今日我要佢比個交代我！」癲狗的語氣十分憤怒，每一句都聲嘶力竭都嗌出來。在他身旁的兩個和尚亦出手攔截。





「係你！點解你唔救我師傅！你唔係靈異協會會長黎嫁咩？點解…點解….」在癲狗一旁還有一個十五六歲的男孩旁哭邊問，手中拿著長空的舍利子。

「冷靜啲先…你地都要比機會我師父講先得㗎。」

「咳咳….」突然有一個長得很似星君鼠的男人無聲無色地出現在我的身後。

「我地教會都好想知道發生左咩事。」這才發現他的身上穿著神父的衣服。

「其實…」我從黑殭出現的時間開始說起，當中的內容都一五一十告訴他們。





愈說便愈是回憶到昨晚的恐懼，我的雙手開始不斷地顫抖。

小藍看到抖震的雙手﹐便一下子拖實我的手。