《妖具》-我無啦啦做左個道士，仲要係全香港最大粒果個 ! ?: 《香港仔聖伯多祿中學32》

「你啲頭髮好靚不如幫你剃個光頭。」可可從口袋之中拿出一把匕首。

  在女鬼的面前晃了一下﹐然後便一下子插到女鬼的手掌。

  「呀 ! 」女鬼的手掌不斷流出鮮血。

  「我係唔會出賣主人嫁 ! 」

  「好吖 ! 你咪唔好出賣囉﹐反正等你魂飛魄散的時候﹐我亦有方法知道﹐依加我地慢...慢...玩...」可可的臉上慢慢浮現出狐狸的模樣。





小藍看到這已經有點害怕﹐平時溫柔可人的可可居然有這一面。

  可可再次把刀一下子插到女鬼的手掌。

  「呀~ ! 」女鬼的內心開始有點動搖。

  「我講你係咪會放過我。」女鬼邊哭邊說。

  「睇下你講嘅野值唔值~」可可舐了一下帶血的刀。





  「首先你主人係邊個 ? 」

「唔講得嫁...依樣真係唔講得。」

「咁冇誠意即係想繼續玩啦 ~ !」可可又再次把刀插到女鬼的手掌。

  「呀~ ! 我講啦~我講啦~」

  「我主人係...」





「掌心雷 ! 」從小藍的背後傳來一把男聲﹐隨後一道雷電從背後飛出﹐直擊女鬼的頭部。

女鬼直接被打到魂飛魄散﹐小藍立即轉過頭來﹐只見一個身穿黑袍的人緩緩地走出來。