《妖具》-我無啦啦做左個道士，仲要係全香港最大粒果個 ! ?: 《紅磡殯儀館》 2

 「聽講今次係隻白殭 ? 」小藍問榮伯。

  「應該就係啦﹐不過都未知住。暫時放左係停屍間﹐條屍嘅旁邊已經灑好曬糯米。上面都派左人睇住。」榮伯慢慢走向升降機。

  「榮伯﹐我同師父慢慢行入去得嫁啦。我地仲認得路。」小藍向著我走過黎。

  「我老啦 ! 捉殭屍呢d野都係留番比你地d後生仔啦。一個大意都可以好嚴重。好彩就傷殘﹐唔好彩連命仔都冇。聰仔你睇住小藍呀 ! 記住小心d呀﹐唔好大意。」我輕輕點了點頭﹐但我相信只會是小藍看緊我而不是我看緊小藍。

  榮伯帶著微笑目送我們進升降機。





  在升降機門關上的一刻﹐我看到榮伯一瘸一拐地走回前台。

  「榮伯﹐佢.....」

  「榮伯後生果陣好勁嫁。不過後來因為捉一隻殭屍﹐一個唔留神比殭屍咬到﹐要斬咗隻右腳先保得住條命。不過佢徒弟就冇咁好彩......所以面對鬼怪﹐唔理係強定弱。一個鬆懈都可能會死。」小藍的神色十分凝重。我也深深記住了這個故事。

  升降機門一打開有個年輕的男子準備帶我們前住停屍間。小藍拿走我手上一半的香﹐輕聲地對我說「一陣經過「人地」的地方記得要上番柱香比佢地﹐依個係殯儀館規矩黎嫁。」

  一路走向停屍間小藍在沿路上不斷上香﹐我亦跟著上香一支也不敢遺漏。





  很快便來到停屍間。停屍間的門上貼有兩張黃符﹐兩張符紙重疊形成一做「X」的形狀把門口封好。

  「呢度交比我地得啦你落番去先。」那位年輕人聽到點了一下頭便離開了。