《妖具》-我無啦啦做左個道士，仲要係全香港最大粒果個 ! ?: 《全院滿座13》

「唔好殺我呀 ! 」我驚醒並大聲叫喊。但張開眼卻沒有了剛才的女鬼﹐只有戲院的大門。

  「你醒嗱。」是小藍的聲音。

  我用力捏了一下我的大腿﹐是疼痛的感覺。但這沒令我感到痛苦﹐反而是一種喜悅。死裡逃生的我止不住我的眼淚。

  「我冇死到....我真係冇死到...」我不斷摸自己的臉。

  「你到底係邊個?」小藍的語氣變得冰凍。一張黃色的符紙貼在我的衣服上。





  「好從實招來﹐唔係呢張爆炸符就會...boom。」小藍做出爆炸的動作。

  換著是平常的我一定不會相信一張小小的紙會對我做成任何的傷害。但昨天的經歷使我不敢不相信小藍的說話。

  「我叫陳行聰﹐叫我呀行都得。今年23歲﹐單身。係....係...有隻鬼逼我要做道士嫁。唔好殺我。」我雙腳跪地懇求小藍唔好殺我。

  小藍現時只可以肯定的事只有一件﹐便是眼前的男人絕對不是自己的師父。

  「係啦..係啦...嗰隻鬼應該就係你師父。係佢叫我幫佢頂住先嫁。」
 「咁點解你識用天師符。」小藍問。





  「咩係天師符 ?」我有些不解。

  小藍搖一搖頭「咩都唔識就跟過黎﹐你死左都唔知咩事。」

  小藍思考了一會兒。

  「聽日黎跟我捉鬼啦﹐我會打比你嫁啦。唔黎你就知死。」小藍做出一個準備打人的動作。

  「好..好! 我一定黎。」我鬆了一口氣﹐再一次死裡逃生的感覺。





  「唔好誤會﹐我信嘅唔係你。而係天師符。」小藍轉身打開門離開﹐陽光照進戲院。小藍背向我嘴角微微向上揚起﹐一邊想像著如何玩弄現在的師父。

  「等埋我...」我亦跟著小藍離開。我唔敢再獨自留在戲院。

 ********

  「全院滿座」是當年協會跟全港的戲院一同訂立。一般戲院的職員都知道﹐如果有張戲飛出現「全院滿座」這四隻大字﹐證明有「師父」準備工作便會提早放工。

  由於戲院是特別容易聚陰的地方。周不時都會聽到鬧鬼的傳聞。例如﹐有身影在大螢幕中走過、女廁中出現無臉女鬼等等的事情。

  但可以說最猛鬼的莫過於午夜場。午夜場其實是專為鬼而設的一場電影。但以前有不少人為了睇戲﹐而不惜闖入戲院而誤入靈界的地盤。他們也為自己的行為而附上代價。朝早再被發現的時候﹐每個都是被活活嚇死。

  而你又敢不敢獨自一人走進午夜場......





  ********