《妖具》-我無啦啦做左個道士，仲要係全香港最大粒果個 ! ?: 《我居然係個道士!!!3》
「鬼呀…點解要搞我…我燒啲野比你吖。你唔好搞我啦….南嘸阿彌陀佛….」我雙手合十，雙膝跪在地上。
張道仲繼續若無其事地說。
「總知呢我時間冇多啦，盒入面嘅五道符同最重要果隻戒指我就當見面禮送左比你啦。依五道符可能隨時救你一命。另外書櫃第二本書推入去，有間暗房入面咩都有嫁啦到時要咩去果度攞。一陣電腦會播一條好快嘅片，我會幫你。到時就睇你吸收到幾多啦。」
「哎呀仲有﹐一陣會有個人黎搵你嫁，你自己搞掂佢啦。」張道仲微笑之中略帶有一點點蠱惑。
電腦的影片瞬間黑屏。
「喂喂⋯⋯你點幫我呀咩符呀我唔識嫁。」我向着螢幕全力大叫﹐不斷按電腦上的按鍵，但再沒有任何回應。我完全搞不清楚是什麼情況。我用盡所有腦細胞全力了解清楚現況。
大約十秒之後，我得出了一個結論。一便是我真的成為了一個道士，反之我便真的患有精神分裂﹐而且病情十分嚴重的那種。我比較相信我是後者﹐更加想立刻打電話準備去看精神科。