《未知結局的我們》: ［7—坦白］

［7—坦白」

吃飽過後，已經21:30，所以我們跟子琳一起走到登記處，並等待她登記。

看到子琳快要走的時候，我的心就如刀割了一樣，真的不想讓她離去，如果可以的話，我能跟她一起離開嗎？其實可以，真的可以。

其實在過去幾天，我家人跟我提及希望我們一家能逃離香港，走到英國，而我並沒想太多，只是希望能夠再看見子琳，所以我便爽快答應了，大概2021年1月便會走了。

所以今天我希望能夠跟凱恩坦白，再商量如何處理我們的關係。





不經不覺子琳已經登記好了，她走到我和凱恩身邊。

「點呀？就嚟要走喇喎，會唔會掛住我㗎？」我裝作開玩笑，其實心中很認真。

「會呀。」子琳突然認真。

「咁我都會掛住你嘅，要唔要攬下？」我想安慰一下子琳。

「李梓謙！你當我死架？」凱恩不滿。





「唔係，咁人哋要走喇，唔攬就冇㗎喇。」我解釋。

「唔好嘈喇，我都冇話要攬。」子琳解釋。

「好啦，就嚟夠鐘喇，你入去啦。」我指向離境大堂。

「好啦，咁Bye Bye喇，有機會再見。」子琳好像有點不捨。

子琳拉著手提行李，走進離境大堂，看到子琳的背影後，令我真的有點不捨，就算知道在我過到英國後都能夠看見子琳，也知道也要大半年後。





「咁，我送你返屋企先。」我牽起凱恩的手。

「好呀。」凱恩甜笑着。

我倆一起走到黨鐵站，打算乘撘黨鐵送她回家，突然我感覺到手機的震動，於是我便打開手機看一看。

子琳:
23:00「我上左機喇，唔洗擔心我，落機再同你講。」

我:
23:01「save flight!!」

發出這句訊息後，子琳已經沒有回覆我了，我估計她已經開啟了飛行模式。

「點呀，邊個嚟架？」凱恩把頭伸過來。





「冇呀，子琳咋嘛。」我把手機給凱恩。

「咁得啦。」凱恩裝作沒關係。

雖說凱恩裝作沒關係，但我看得她出心中不希望我和子琳溝通。

不經不覺我和凱恩已到達她家的樓下，我心想應該要跟她説清楚。

「吳凱恩，我有啲好重要嘅嘢想同你講。」我停下腳步。

「做咩突然間咁認真？」凱恩不解地問。

「冇呀，只係想講清楚。」我解釋。





「有咩要講清楚？你鍾意子琳想同我分手？」凱恩誤以為我要跟她分手。

「第一，我同子琳唔係你諗咁樣，我哋冇嘢。第二，我冇話要分手。第三，我只係想講我要移民，1月要去英國。」我不希望凱恩再誤會。

但的確，我對子琳真的有感覺，只是大家也知道不能進一步發展。

「咁你想點？」凱恩冷漠無情地說。

「我哋有冇得唔散？」我希望。

「好。」凱恩走來抱著我哭起來。

「傻豬，唔好喊啦，又唔係分手。」我安慰凱恩。

「但係你要走喇，冇得再成日見喇。」凱恩哭得更大聲。





「好喇好喇，咁有face time架嘛。」我利用科技的進化安慰著凱恩。

「咁你要日日搵我架。」凱恩要求。

「收到！」我答允。

「咁我返上去喇。」凱恩擦乾面上的眼淚。

「好啦，Bye Bye。」我目送凱恩離開。

在回家途中，我一直回想著過往跟凱恩經歷的事情，希望能在回憶中找回一點感覺，可是我發現，我更希望跟子琳一起經歷，這就是矛盾嗎？