《指戒的同棲故事》[完]【純愛】: 43 - 矛盾•戀味

空洞洞的房間，只有我一個人坐於沙發中一言不發的待著，四周安靜得連時鐘秒針移動的聲音也能清晰聽到。

「叮噹~......」門鐘響起了。

我已經知道是誰來了，所以拖住沉重的身體勉強從沙發走到大門。

「yo~...」

呀基這樣打招呼，我沒有給反應就開了門，然後又回到沙發繼續待着。





「嘩！大佬你當間屋係殮房呀？！使唔使咁攞命呀？...」他說著，然後走去把冷氣關掉。

為了讓自己可以冷靜一點，我把全屋的冷氣都開了，而且統一都調到16度呢~ 難怪啊基那麼大反應，因為正常人一定覺得很冷，但是對我來說也許是剛剛好的溫度......

啊基關了冷氣就順手開窗，感覺溫度開始慢慢上升回去。

「大佬你仲飲埋冰水呀？唉...」啊基有點無言，但還是坐了過來：「如果我唔上嚟睇你你聽日十成上新聞喇~」

「所以單野麻煩到要你咁虐待自己？」





「因為我真係冷靜唔到...」

「唉~都係喇，雖然一早有預感，不過估唔到咁快就嚟~」啊基對此不禁有點嘆息。

「啊基，啊盈佢...點解會鍾意我依種人？...」

「咩意思？」

「我又冇咩長處，平時做嘢都係跟住佢，明明我嘅缺點都畀佢知道曬...」我用力扼著水杯，感覺把杯子用來發洩一樣：「點解佢仲會鍾意我...」





啊基想了想，接著：「可能你自己冇咩自覺啦，就我睇...你係一個超好嘅人，好到...身邊每一個人只要係同你有交雜都好難去無視你個人，可能係因為咁掛？我都唔係好知~」

「做咩咁好係度派好人卡~」我淺笑。

「好人卡好呀~每個男人一生起碼攞幾張。」他用手刷刷鼻子：「不過呢~ 至少你值得我當你係好兄弟，當初撩你講嘢真係做得啱~」

「哈~我反而覺得我蝕咗。」

「你睇下你依啲人~過份！~」

然後我們都忍不著笑了。

「咁，嚟緊我應該點做呀...？」

「唔知呢~我依啲外人冇咩資格指指點點~」





他滑下身體，滋悠的躺著：「你鍾意點做咪點做囉~有時隨下心都唔錯嘅~」

「都係嘅...」

。。。。。。

「謙...你冇事呀嘛？」電話的另一邊，小敏正擔心著我。

「我冇事，只係啲感冒仲未清啫，好快好返唔洗擔心我，你都唔使嚟探我喇我驚惹到你。」

「咁好啦...你小心啲喇。」

「嗯~byebye…」





說罷我收了線，再次一個人在屋裏發呆。

這些日子我都請了病假沒有回公司。

其實我沒有生病或者身體那裡不舒服，就只是不想回去而己。

也許，這正是一個機會給自己好好想清楚末來該如何打算。

閒著的眼睛四處張望，最後停了在啊盈的房間裏。

那一天以來，她就沒有再回來這裡，沒有再回到這個家中...

她消失了。

一直以來習已為常的習慣一下子就不見了。





她的聲音，她的笑容，她的存在。

全部...在這一瞬間消失得無影無蹤。

然後，就在這些孤獨的日子中，我才終於明白...

我的心， 也許在不知不覺間，把一半分了給她......

這就是...同時愛上兩個人的感覺嗎？......

真的很差勁呢......

真是和你說的一樣。





(依份感情冇可能實現，亦都冇資格實現......)

「下...」我嘆息一口：「真係樣衰...」

「叮叮叮~......」

手機突然響起，我緩緩拿起來。

然而，在看到來電的一瞬間。

我就從呆滯中醒了過來。

「喂！啊盈！...」

「咪咁大聲啦，我耳仔好痛呀。」

再一次聽到她的聲音令我無法冷靜下來。

「你依幾日去咗邊呀！電話打唔通搵你又搵唔到！」我有點激動。

「去咗個...你搵唔到嘅地方~ 一個人靜靜地休息咗幾日......」

「你係打算唔再返嚟係咪？...你真係唔再見我？...」

「都係嘅~咁樣對大家都好...唔再見面我哋兩個會過得更幸福都話唔定。」

「到咗依個時候你都仲係要咁理性去講嘢......」

「你唔記得嗱~我係女王嚟，冇可能唔理性，而且......」她停了一下：「感性太危險喇...」

「呀盈我...」我話未說完。

「謙...唔好講......」

「我鍾意你！」

我把話說完，然後電話迎來一段時間沒有聲音。

「白痴...叫咗你唔好講......」

「我想講出嚟。」

「你一直以來都係咁...而我就對咁樣嘅你......」

「盈......」

「係呢~謙，不如我哋玩一個遊戲~」

「遊戲？...」

「嗯~我哋玩場捉伊因~」

「呃？...」聽到捉伊因我有點愕然。

「你數十聲就嚟搵我。」

「你依家係附近？」

我走到窗邊四處張望，但是找不到她的身影。

「我係附近~但係你都要數，數完...就出嚟搵我。」

「如果，你搵到嘅話，我就......」

「搵到喇！」

我打開了大門，面前的她正拿著手機睜大了雙眼看著我。

接著她收起手機：「你艱矛...明明叫你數......」

「我忍唔住...話說居然喺門口，你冇諗過要匿埋喎~」我淺淺笑著。

「因為...我仲想再見多你一面......」她低下頭來。

「盈~我捉到你喇~」我慢慢走向她。

「但係你偷步，所以係你輸~」

「咁，輸咗有咩懲罰？」

她也走向我，接著伏在我的心口處。

「咁你就，聽我一個請求~」

「係咩呀？」

「你仲記唔記得，我哋仲有樣嘢唔記得咗做？」

「唔記得做嘅？...」

「以前唔係講好咗要兩個人一齊慶祝嘅咩？個project完咗之後發生咗咁多事，我哋都唔記得咗...」

「係嘅，的確發生咗好多事。」

「就趁而家，我哋補返啦，好冇？」她抬頭看我。

我慢慢抱著她：「好呀~」

。。。。。。

回到家中，我們都為着這份遲來的祝福作着準備。

我在廚房準備着晚餐，啊盈在客廳中佈置裝飾。

這間房子和剛才的冷清截然不同~

現在整個家，都是幸福的味道。

這種幸福的時光，真的...真的不想它結束。

如果時間能暫停就好了，此刻我們都這樣想着。

「嗯~好香呀~」她一臉期待的坐在佈置好的客廳等待。

而我則吧剛做好的料理端出。

「快啲試下好唔好味。」

說罷，她就吃了一口

「好味~」她笑說。

「真係？」感覺她的稱讚比任何事都令人快樂

「嗯~你整嘅都好味~」

聽到她的話，感覺幸福快要滿瀉。

接著我為了掩蓋心中的害羞，就拿起餐具默默地吃著。

真的很幸福~

幸福得如蜜糖一樣的感覺，嘗過一次之後，或者就再也沒法放手......

但是...

「滴...滴......」水珠滴在臺上發出清脆的一聲。

我馬上望住她，她的眼角流下了兩行淚水。

「依？點解？...眼淚會？」她做手背擦著眼睛：「明明係開心至係...點解？......」

我放下手上的東西，眼睛默默看著她。

「盈...冇察覺到你嘅心意對唔住。」

「依個唔係你嘅錯...你冇錯......」

「仲有，一直冇察覺自己對你嘅心意，真係...對唔住......」

我低下頭，努力克制自己的悲傷

「係你走咗依幾日，我諗咗好多嘢，有好多同你嘅回憶...原來，我嘅生活一早已經習慣咗有你嘅存在，然後我先知道...我不知不覺間已經愛上咗你......」

「謙......」她目不轉睛的看著我。

「依個就係我嘅真心...盈，你嘅真心可唔可以講我知？」

「我...」她說着，眼淚卻越來越多。

「我都係...好鍾意你。」

「當我知道，你同小敏一齊嗰陣，我真係好痛苦...好傷心...好唔甘心！......」

此時，我已經緊緊抱著她。

「全部都係你錯......」她用有點抖震的聲音說著。

「係~」

「你要補償畀我......」

「係~」

然後，我們就這樣親吻着對方。

這一吻既甜蜜又苦澀...

然後我們就一直捉緊對方的手...

一直品嚐這種矛盾的滋味下去......