《指戒的同棲故事》[完]【純愛】: 02 - 同棲·契約
中午飯後的時間，office裏只聽到「達達達......」的打字聲，四處都是同事們走來走去工作的畫面。
這是一直以來的日常。
雖說是日常的畫面，但今天看起來卻是不安的景況......
無他的...
只因為，小弟昨日闖了個大禍...真的，這個禍真的很大很大......
我把女皇的戒指......鳴鳴............這下怎麼辦呢？
回想昨天，Candy最後甚麼也沒有說呢~
只是燈大那紅紅的雙眼，一臉想喊的樣子望著我。
接著頭也不回就離開了......
然後再接著，就是現在的境況。
常言道,，暴風雨前夕一向都是風平浪靜，也許小弟已經命不久矣~ 等待的只有地獄的路。。。
唉.......
我是不是應該現在開始準備求職呢？若然要找的話應該做什麼工作呢？趁這個機會試試轉行？
還是不了~ 已經習慣了坐office的工作，現在轉行我一定會吃不消~
等等~ 我這個白痴~為什麼現在去了想轉工的事呢？又不一定會被人炒魷魚~
可是，接下來被糟質一輩子是肯定的呢~
被女皇當僕人洗嗎？......
雖然小弟沒有這方面的癖好，但是想想還是有點興奮......
就在我沉迷幻想世界到靈魂出竅時，突然背脊迎來一下重擊！
「嘩！好痛痛痛.....」我整個人向前傾
「喂~ 你個死仔諗緊咸濕嘢呀？」旁邊的阿基說說。
「頂你呀~叫咗你唔好無啦啦拍背脊幾多次~」
「哈哈~」他大笑：「等你精神爽利下不知幾好~ 再唔拍醒你，唔知你個靈魂會唔會飛去大西洋呢？」
我看著眼前這個官仔骨骨的四眼仔~ 雙眼狠狠的白了一下，再於心裏吐了接近100個槽。接著無視他回到工作~
他叫阿基~ 是我從入識到現在最好的兄弟，雖說人在職場真心朋友變得越來越少，不像讀書時期打打鬧鬧就能成為密友，但這個世界在沙漠之中還是會有一片綠洲，阿基就是這樣的存在。
「喂~ 阿謙，雖然你平時就成條死魚咁~但係都唔會用魂出竅㗎喎~ 你今日搞咩？」
平時成條死魚？這個混蛋在說什麼......
「尋日有啲麻煩嘢發生咗，所以而家有啲煩，同埋咩叫死魚？我呢啲叫做平靜！」我擺出一副認真臉說著
「係嘅係嘅你呢啲叫平靜~ 咁你尋日搞咩呀有咩麻煩嘢？講嚟聽下睇下兄弟幫唔幫到你~ 」
我無奈的看著他，這傢伙絕對沒有想幫我的念頭，多半是想食花生吧......
我揮揮手示意他靠近一點。
「尋日呢......」
「WHAT！！！！」他突然一聲大叫，四周圍都安靜了~
接著他好像發現自己成為了四周圍的焦點就開始安靜下來。
「你整跌咗女王的戒指落坑渠你真係死得啦~」他輕聲說著
「我夠知啦洗你講？所以而家唔知點算...」
「但係我見Candy今日好似又冇乜嘢咁喎~ 同平時差唔多。」
「就係佢連個嬲樣都冇我先至驚...... 都唔知會唔會嚟緊死於非命。」我極度無奈。
「兄弟，如果係咁樣嘅話千祈唔好叫我做帛金......我唔想下一個死嘅係我...」他拍拍我膊頭
「其實你都幾PK喎~」
「哈哈~」他笑笑：「算啦~唔好再講呢單嘢啦講過其他啦~ 你係咪而家搬咗屋喇？」
「嗯~ 」
「哈哈~ 正啦~ 你咪成日都話想有啲私人空間嘅，依家咪好囉~可以開始單身寡佬嘅生活喇~」
也說得對，呢個二十多歲的成年人還跟屋企人一起生活，真心非常不方便~尤其是夜晚的時候...你懂的呢~~
「私人空間係有不過唔會係寡佬囉~ 遲啲會放間房出去畀人~ 」
「放畀囡囡住？」他一面興奮盯著我
「畀仔仔住呀......」
雖然我也有想過會不會放給女租客，但是認真的，男女同居超級不方便的~ 互相遷就的事情有很多~ 我還是想簡簡單單平靜的生活好了，所以決定還是租給男生好了~
「喂~阿基呀~你之前咪話想搬出嚟嘅不如......」我還未說完
「不了不了~ 小弟我想要嘅係單身寡佬無拘無束嘅生活~ 要同你日對夜對咁，你不如叫我去死把啦~不了不了~」
我再次白了他一眼：「阿係咩~咁你慢慢enjoy你嘅寡佬生活啦下~」
「哈哈我一定會~」
說罷我們便回到工作去。
查實放租的事情真的不太緊要~最緊要的還是要先解決女皇的事...
突然，手機響起，我收到了一個訊息。
是女王傳來的訊息......
要來的始終要來，我深呼吸了一口，接著打開電話。
（你收工等埋我，我有嘢搵你。)短訊這樣寫著。
看來我真的命不久矣了......
。。。。。。
下班時間，我跟在她背後走著......他去哪裏我去哪裏的，途中我們一句說話都沒有說過，尷尬的氣氛快要壓死我了......
很快我們到了一間cafe坐好。
「叫唔叫嘢飲呀？」她問到
「唔，唔使啦，我唔口渴哈哈...」我戰戰兢兢的回答著，感覺她每句說話都有一股壓力...
「係咩，咁好啦。」說罷，她舉起手來：「唔該畀杯cappuccino，少甜~」
接著它收起餐牌一臉認真的看著我，拜託你不要這樣看著我好嗎...我真的會嚇到尿褲子......
「過嚟cafe咩都唔飲？」
「我...我唔係幾飲咖啡，唔係幾受到...飲咗嘅話好易去廁所...哈哈~哈哈哈.....」
這個藉口我剛剛在出來的，我只是不想在可怕的地方喝......
「哦~係咩~ 」她說著，可是面上無表情。
看著她說話如此平淡，真的有種不寒而慄的感覺......
「小姐你杯cappuccino。」
「唔該。」
他把杯子放到唇邊細味一口，接著便放下杯子。
「我哋係時候傾下琴日單嘢點處理好。」她翹著雙手
「呀，係...」我弱弱回應
「Can...Candy，如果賠錢要賠幾多？」
要是這是金錢解決到的問題的話，那就快捷了，我是這樣想。
「10萬~」
「10萬？！？」我嚇得有點吃手手...
不愧是女皇...戴在手上的戒指也是六位數的......
「你可以即刻還十萬？」
她問著，可是面前的我已經冷汗直流... 像我這種小薯仔，平日生活已經是勉強可以，怎可能會有10萬積蓄呢，香港的生活壓力很大一早不是新聞呀...
「分...分期得唔得呀......？」我弱弱一問
「吓？」他白了一眼：「依家你賠錢有乜可能分期？」
「都係嘅...」說罷，我默默地把剛才的話吞回肚。
常言道，一失足成千古恨，這一次我還真是千古恨... 一恨就恨了十萬出來，神呀~救救我吧~
「睇你個樣應該唔得啦~」
我默不作聲的低著頭。
「咁不如我畀個提議你~」
「咩提議？」我呆呆一問。
「你咪有間屋放租嘅~ 租畀我，我係啲租金度扣~」
「吓......」
此刻四周都安靜了~我真的懷疑自己耳朵有問題...
「做咩呀？有人租咗喇咩？」
「唔..唔係，你喺邊度聽返嚟？」
「頭先喺公司你地講咁大聲係人都聽到啦~」
真心原來辦公室世界沒有秘密是真的，難怪女人要去洗手間說祕密。
「咁樣會唔會唔係幾好，一男一女...」
「哦~唔使擔心~ 香港係女權社會嚟，有咩事報警一定信我~」
我一面無語，感覺我隨時可以被人砌生豬肉...
「但，但係，你唔係同霞姐住喺百匯軒住得好地地㗎咩？做乜好地地又要搬？」
對，Candy一向也跟霞姐和其他人一起住，說實話，真心覺得她本身住的地方畀我這裏好十倍以上，根本沒有搬出去的理由吧~
「其實我真係唔係幾頂得順fatty。」他喝一口咖啡說著。
「吓，關fatty咩事？」
「佢晚晚都扯鼻鼾嘈到我...」
「咁你可以同人換房㗎。」
「試過啦，冇人想換。」
「但係都唔一定要搬屋嘅啫...」
「下... 」她嘆一口氣，再喝了一口咖啡：「自從我同fatty一間房開始，我啲睡眠質素差左好多。基本上晚晚都要戴耳塞瞓，有時瞓瞓下佢仲會一隻腳踢埋嚟。」
「唔係呀嘛... 」我一臉無奈 。
「我唔可以瞓唔到，咁樣會影響我第日做嘢，我做錯一件事後果可以好嚴重...... 」
果然女皇真的是女皇，對一切都是如此有要求，真不易做呢。
但是Fatty，平日在公司的一個小可愛型像，想不到私底下的你原來是這樣... 果然人不可以貌相.....
「就係咁樣你o唔ok？」
她問著，而我的腦袋正在高速運算，說實話如果這樣就能抵消十萬元的債務也算不錯，始終這筆數目說多不多說少不少，可就是現在還不到的數目......
真心平常草定錢防身很重要...
而且...
可以和女王近距離接觸的機會平常也不多。
我看著面前這個女人。
也許，這可能是上天給我的一個機會也說不定......
我已經有答案了~
「好！我答應你~」我直視她回應
她聽後微微笑了一下~
「好，就咁決定啦。」她伸手出嚟：「咁嚟緊就合作愉快啦~包租公~」
我伸手握著她：「哦~合... 合作愉快。」
就這樣，我跟女皇的契約同居生活，正式決定了...