[有甜] 英雄聯盟帶給你不一樣的生活: 第九章 小同

「尋日做咩唔聽我電話?去左邊?做左啲咩......」一返到學校雨雲就用機關槍既速度不停追問我
而我就編左一個唔假既大話，但佢都好似信左咁
「下次唔好啦，嚇死我啦今次，搞到我以為你唔要我......」雨雲的確信左我
「乜你對自己信冇自信咩。」我好奇咁問一問佢
「唔係囉...但你又靚仔打機又叻，好驚你會比人搶走...」望住眼前好怕既雨雲，對自己好失望
我咩都冇講，而係去攬住佢，呢刻既我地只係好想享受雙方既温暖
放學之後我都係同雨雲拍左陣拖，之後就返左屋企，因為今晚有單要打
今次既單並唔係咩約炮單，而係真係有人比錢我要我打單
同雨雲一齊左之後用既錢多左好多，因為拍拖我認為都係男既比多啲好啲，所以大部分錢都係我出
為左我地可以唔洗咁顧忌錢去拍拖，我打算更加用心去打單，而今次呢單有啲難


因為佢要我喺峽谷之巔打上菁英第一。峽谷之巔同其他唔同，呢個服鐵牌已經係至少國服鑽二既水準
而佢起始就已經係鐵牌，由於要集中度比平時高，所以我打算認真對待呢一單
峽谷之巔全服第一我唔係未試過，但嗰時既我比而家既我強太多，而家既我已經好耐冇認真對待呢隻遊戲
而呢一晚我認真咁打都只係升到銅二，除左本來啲人勁啲，仲要有一堆既代打同小號
加上我弱左好多，搞到每一場都差啲輸差啲輸咁，我自己都好失望 
不過好彩既係佢比左成個月既時間我打，所以相對都冇咁吃力
第二日放假，所以我好早就去左揾雨雲。去到佢樓下就已經見到佢，今日既佢都係好靚
「凱然你有冇咩夢想架?」我地拖住手行街個時佢突然咁樣問我，我好認真咁諗左一陣
「我想去外國打比賽。」認真，其實我屋企錢就一定唔會缺，我成績又唔勁
基本上我都只係可以繼承我老豆既業務，或者去做我唯一勁既野 - 打機


靠代打過活其實唔會係一件好事，反而去打下比賽發下夢幾好
我唔係幾想浪費自己唯一既天份喺代打到，所以打比賽會係唯一出路
「哦...咁咪要出國囉? 唔制啊我要陪住你啊。」雨雲又撒嬌
「傻豬，如果我出國打比賽，我一定會帶埋你過去，你一定要陪喺我身邊。」
「都係你好啫 ~ 豬豬。」佢一下就鍚左落我到。
冇錯...睇黎我都要為我既...唔係應該話我地既將來打算下
之後我地都係日常咁周圍行下，食下飯，睇下衫咁樣就返左屋企
我打開左電腦，登入自己喺韓服既主帳，分數仲係菁英第一，一入到去就有唔同既人dm我
有中國人有台灣人有香港人，反正都唔會係啲咩好野，所以冇特別介懷
我諗緊，以往一直做代打既我，可以用啲咩途徑去接觸職業比賽。


諗左一陣都係覺得算，都係去打返峽谷之巔嗰張單先，希望至少今日上到金牌
我都係如常咁用中路既單排神角，各種既刺客去殺爆啲人，今日比尋日順
好快就由銅二沖到金牌，亦都即係話今日既目的已經到左，所以我就諗緊有咩做
冇咩打算既我換左套衫，打算去周圍行下咁，順便買埋晚餐。
一邊行個時我都仲係諗緊關於打職業既事，始終好耐都冇試過比一個問題困擾
行行下就撞到人 「sorry啊...」我即刻道歉。「唔緊要，你冇事啊嘛。」眼前既係一位感覺好純既女仔
不過佢既上圍就唔太清純，好兇狠下。我同佢對望左幾秒，佢個樣好熟悉。
「咦，你咪凱然?。」個女仔先開口講野。「你係?」我真係認唔出
「我係Lily啊，我地小學同學黎架，你唔認得我啦?」哦，原來係小同，唔怪之得啦。
「哈哈，你變左咁多，好難認得出架wo。」我尷尷地，因為小學個時暗戀過佢。
「係呢咁岩撞到，要唔要一齊食晚飯?。」佢問
「好啊，反正我都未食。」睇下可唔可以除左食晚飯仲食埋其他野
之後我地就邊行邊揾餐廳，最後我地去左食一間西式既餐廳
「你飲唔飲酒架?，我想嗌支葡萄酒黎飲下。」佢提議
「我冇所謂啊，今日咁有緣撞得返。」酒後亂性都好正常啫


之後我地就嗌左啲個餐同開左支葡萄酒，邊食邊講下自己升中後既事
當我飲到high high地，講左自己打英雄聯盟好勁，仲食左好多女個時
佢個樣變到好鬼姣，仲特登係度誘惑我咁，係咁用對波貼近我
我當然就好開心啦，有得抽下水wo，雖然我既目的係要扑左佢。
而家既佢，同岩岩個清純樣比起上黎差好遠，不過咁樣反而仲正。
希望一陣可以同佢黎個深入啲既交流