[有甜] 英雄聯盟帶給你不一樣的生活: 第七章 我地一齊啦

好快就黎到英雄聯盟比賽既日子，今日係星期六，所以好多我地學校既人都有黎睇比賽
校際英雄聯盟比賽，第一次搞啲咁既比賽，估唔到都搞到幾隆重
去到現場既人數簡直係誇張，好彩我係選手，所以唔洗人逼人
不過我隨便望一望都見到好鬼多情侶，當我望到學校個邊既位置，除左有幾位隊友之外，估唔到雨雲都有黎
「你條友仔終於到啦。」阿傑見到我就搭住我膊頭。「屌地鐵塞車。」我講笑咁講
另外三個隊友之前預賽都有溝通過下，有睇過佢地打，都有鑽石實力
第一次見佢地真人，三個好似兄弟咁著到超級毒，格仔衫，孭背囊，帶啲毒撚眼鏡
不過算啦，其實我都係毒毒地，都係唔好歧視人。台上面已經有兩隊打緊
我無特別在意，因為我並唔覺得在場有人會打得過我，要我一打五都唔會係問題
之前預賽對面十二分鐘高地就爆左，十五分鐘完場。希望今日會有啲勁啲既人啦


好快台上既比賽就完左，而下一隊既正正係我地學校。
之後我地五個就上左台準備，而我見到對面五個人著住既竟然係校服，會唔會太有儀式感
呢一場已經係八強賽事，打贏佢地之後再打多兩隊就輕鬆拎冠軍
BP 方面我完全交左比阿傑，始終我都冇咩太大意見，同埋佢好似有研究過下呢版既資料
成場都冇咩特別，輕輕鬆鬆打爆對面，好明顯對面冇預料到我玩隻奧莉安娜可以打爆劫
而我最後既戰績係 22/4/6，落左台之後我發現阿爸阿媽都黎左睇
「勁喎啊仔，知唔知我岩岩聽到隔離學校話根本唔會有人打得過你。哈哈叻仔。」阿爸好開心
其實都唔洗講咁多，因為基本上都會係全勝，而當我以為今日既比賽會係咁樣完既時候
去到決賽既時候，我地以 厄薩斯 黛安娜 奧莉安娜 EZ 同埋布朗姆既陣容
而對面就係雷尼克頓 卡爾瑟斯  劫 艾希 雷歐娜 


頭幾等我已經發現對面既唔尋常，佢同平日我打開既對手唔同，佢既壓制能力同走位好強
雖然奧莉安娜打劫本來就係唔好打，但我平時都可以輕鬆壓制對面
First Blood，我竟然比佢六級單殺，佢不論反應定技能準確度都好強
之後既五分鐘我比佢壓制到食兵都好難，後來更係可以直接塔殺我
好彩既係阿傑既黛安娜有食到龍同埋發育都唔錯，而對面既劫則係去左殺我地既下路雙人組
我亦都開始認真打，先係趁佢去下路，好好咁食兵同刷野怪，直到有兩件既大裝出黎
一波關鍵既龍圑，我既發育雖然起番黎，但整體都仲係逆風，所以我地都唔敢輕舉妄動
「信我，佢地如果想rush龍既話厄薩斯閃入去，我會及時套到球配大。」我開始比指令
而的確，對面想用裝備優勢去rush龍，厄薩斯捉岩時機開R閃左入去，不得不說有啲似士兵
而我既球當然不負眾望咁套得切，捲起左五條友，配合埋黛安娜既大五個，隨住我五連殺既聲效，呢波圑成功咁逆轉


之後我用一招冇人會估到既球女蹲草，秒殺左對面既艾希，對面既輔助想綁我，但比我扭開左，成功逃脫
劫既優勢開始係後期埋沒，巴龍既圑戰我企左係一個奇怪既位置，對面完全冇諗到，最後再次比我一捲五
圑滅對面後我地決定唔食巴龍，想一波對面，水晶爆炸，第一座門牙，第二座門牙，我已經聽到台下既觀眾係度大叫緊
逆轉成功，由一開始既比人打爆，再到後面既完美圑戰，逆轉似乎並無令我高興，因為我覺得比對面對線打爆係種侮辱
落到台下，可能係我既臉色唔太好睇，或者係我身邊既人太開心而造成既對比，雨雲行左去我隔離，一下攬住左我
「冇事啦，你贏左啦，你係拯救呢場比賽既英雄啊，你已經做得好好啦。」佢攬住我，輕輕咁摸我個頭
我唔知點解平時好堅強既我呢一刻流下眼淚，可能係我太耐冇感覺到愛，即使係咁小既事，但有人留意到我，令我好感動
「傻豬，唔好喊啦，知唔知。」佢幫我抹一抹眼淚，笑住咁同我講，我冇回應，而係隔住口罩咁嘴落去
呢刻既我，並冇個種想搞佢既沖動，而係好想同佢一齊，做男女朋友，拍拖。而當然呢一刻既我地並唔係男女朋友。
抬起頭既我望到阿爸阿媽好識趣咁先行返屋企，阿爸只係舉起隻手指表示住好就離開左
之後我地並冇跟大隊去慶祝，而係同雨雲兩個人手拖手咁行，我地都唔太肚餓所以冇食野，反而去左一個無人既公園傾計
「係呢...你想幾時比我報...答你。」佢怕怕羞羞咁講 「雨雲，我想同你講其實我鐘意左你，你比到我一種愛既感覺，我唔希望同你用性去開始，我想好好咁同你拍拖，我地一齊啦。」
我人生既第一次表白就比左佢 「嗯...其實我都係，我都係鐘意你所以先會想比第一次你，我地一齊啦凱然。」我除左我地既口罩同佢嘴
今次既打茄輪同以前唔同，以前只係想同啲女做愛，而今次只係鐘意佢，所以打茄輪，充滿既係愛，我亦都冇同佢做愛，只係鍚佢。
就係咁樣，我同雨雲一齊左