[愛情] [校園] [足球] 我鐘意左個第一句就講粗口嘅女仔: 28.
下半場，我慢慢咁行番出去場入面，但隻腳都開始感覺到痛楚
「喂，你係咪真係得㗎，唔得真係要講喎，我即刻叫人換」啊羊拍一拍我膊頭
「知道，唔洗擔心我，專心點樣去嬴場波仲好過啦」我講
＂咇咇！＂我係中圈開波
我開左比啊行，啊行係我大叫左之後都無再同我講過野，佢拎到個波之後直接推前，想嘗試以一敵三過啊賢以外嘅三人
啊行推得好快，啊婆都比佢嘅速度嚇親，一下就比啊行爆走左，之後嘅傑仔同啊生都唔例外。
啊行過哂三個，一對一啊賢，速度係上半場嘅再快一倍有多，我係後場望住佢都覺得好驚訝，佢係點樣比上半場再快左，唔攰嘅咩。
啊賢亦都跑出黎防守啊行，啊行用一個Elastico（牛尾巴）拉開左距離，當啊行用完之後，啊賢亦都睇準左時機準備落腳攔截。
眼見啊賢嘅落腳好似好精準咁叉到係啊行腳上嘅波，但呢個時候，啊行直接一個Reverse Elastico（反向牛尾巴）將啊賢完完全全咁過左。推到大位，大腳抽射。
力度大到根本連一個無受訓練嘅龍門係唔會接得住，直飛右上角，C班嘅龍門連波皮都掂唔到。
＂碰＂ 中左右上角嘅柱邊出界，＂咇！＂係C班嘅界外球....
所有人都被呢一球嚇親，原因唔係因為唔入，係因為佢地見到啊賢完完全全比人過左。
啊行見到個波唔入都抱頭大嗌左一聲「啊！」，今次嘅機會係我地D班暫時最黃金嘅機會黎
之後嘅十分鐘，C班都因為啊行嘅個一腳加強左防守，啊賢亦都係啊行有波之前主動行前睇實左佢，唔比佢有咁多時間推波。
完場前仲有兩分鐘，我隻腳都差唔多去到極限，痛嘅程度都應該最多全力搏多一兩腳就唔可以再跑。我知道自己其實唔太得，但我好想比賽到最後一刻。
啊鋒係禁區開出龍門球，呢一球開得好靚，我全力跑上前接應，好華麗咁痴實左個波係我腳面下。
呢個時候係三打二，啊賢首先衝向我面前，啊婆仲係後面守最後，呢個陣式好奇怪，但我當時無留意到點解
啊賢衝向我嘅速度好快，比起衝向啊行嘅速到都要快，但係我都唔係佢想像中咁簡單，話哂都係全足球隊第二快嘅我，用盡全力咁推向啊賢到，如同行動表示宣戰一樣。
正當去到近距離嘅時候，我一個推左走右嘗試用速度壓過。啊賢今次反而無出腳，而係嘗試同我鬥快跑，我用盡我所有嘅力氣，即使隻腳會傷得比之前利害，我都要跑過去，因為我地大家都知道，呢球應該係我地大家嘅最後機會，我地除左啊鋒之外全部人都上哂黎進攻。
我勉強跑過左啊賢，佢見到我跑過左佢之後無繼續追，反而係向番我地龍門跑。
正當我追到個波嘅時候想橫傳比啊羊單刀嘅時候，突然，啊婆特登係我嘅死角位跑出黎，搶走左我個波，我跑之前亦都完全唔為意到佢，佢好輕鬆就係我面前搶走左，我想追番啊婆嘅時候，隻腳已經唔比我再咁做，因為我已經痛到行都行唔到。
眼望住啊婆大腳將個波傳比五秒前已經跑緊向我地龍門嘅啊賢，啊賢無人看管接應到個波，推向我地禁區，啊羊同啊樂已經戴唔切番去。正當啊賢想起腳之際，啊行及時趕到，出腳欄住啊賢嘅射門路線。
但，原來啊賢呢一球並唔係射波，而係橫傳比後上嘅啊婆。啊婆從後係禁區位大腳抽射，力度同角度同啊行個一球不相百仲，直入右下角網仔。
＂咇咇！＂ 完場前一分鐘，一比零，我地D班落後緊。啊婆亦衝左去觀眾席前慶祝，跳佢嘅舞。
我坐左係到，啊羊都跑過黎我到問候我嘅傷勢，我示意唔得了，佢地都換走左我。
我無講過野，因為呢一球嘅失誤係因為我而成，我亦都好清楚如果我帶住傷係唔應該咁樣同啊賢係最後關頭咁跑，但因為我嘅自私，我嘅主張，令到成隊波要同我一齊受。
＂咇咇！＂法定時間大概仲有30秒左右，但應該會有補時，仲有機會比佢地追。
啊羊同啊行亦變左雙前鋒，全力進攻。啊羊開波比啊行，啊行亦好快咁推進上去佢地嘅防線。
我係場外面睇到嘅C班防線同係場上面一樣，啊賢亦都係第一個衝上去，啊婆係最後留守。
啊行都無理到咁多，嘗試同我一樣用同一招。啊賢一樣跑左兩步，知道自己唔夠啊行快就收左步，直當啊行覺得自己已經擺脫左啊賢嘅時候，啊婆再次係啊行嘅死角位彈出黎搶走左個波。
我係場邊望到呢一次嘅防守，我就知道佢地唔係靠好彩，而佢地係真係有練過，有部署過。
啊婆搶到個波後推進上前，似係想再入多球終結比賽。啊行失左波之後亦好快追番，從後單腳攔截啊婆。可惜，中腳唔做中波，啊婆亦因為啊行嘅欄截，失平衡，右手首先落地，隨後成個人應聲倒地
＂啊！＂場上一聲大叫來自啊婆，震驚全場觀眾，包括我。
啊婆倒地後用左手指住右手嘅手臂，一直都無企起身。＂咇咇咇！＂球證亦吹完場賽事，示意老師同急救隊去睇下情況。
我地足球隊一眾亦行左上去睇下發生咩事，「我隻手...」啊婆好微弱咁講
「你隻手郁唔郁到？」急救隊其中一人問
「郁唔到...我手臂一郁就好痛」啊婆回答，急救員之後亦問左幾條問題
＂佢應該係骨折，要即刻送院搞＂我係遠處聽到急救員們嘅討論，無諗過啊行個一下會影響咁大，以為只係好似我咁有普通嘅皮外傷，點知比呢樣嚴重過十倍。
白車黎到，老師們亦開始疏散人群，啊婆經過急救員嘅幫助慢慢起身，上左白車。最後比數，我地輸左比C班一比零，小組次名進級。