[愛情] [校園] [足球] 我鐘意左個第一句就講粗口嘅女仔: 16.

完左運動會之後，約左4*100米嘅隊友係附近嘅運動場練接棒

每年都會有人約練接棒，今年都唔例外，見到其他班嘅人都係度練。證明左4*100呢個項目每年都對全部人好重要

其實我唔知今年我地班嘅女子組有邊個跑，因為公佈入選名單個日我無番到學

到左運動場，就傾左邊個跑第幾棒。

我今年比人分左跑第二棒，第一棒嘅就係啊羊，第三棒嘅叫Moses,最後一棒係啊行。





今年嘅人馬唔算勁，跑得快嘅都係得我同啊行，所以目標都係頭三就算

練左一陣，見到有班好熟口面嘅人都黎左，「啊行！啊朗！你地都係度練啊？」

問緊嘅人係我地嘅同班同學－啊儀，佢身後仲有佢嘅隊友友.....友....佢隨後有個更加熟悉嘅面孔

等陣先？？點解黃曉瑩都係到嘅？

我同佢對望左一眼，我嘅眼神充滿住疑惑，佢眼神都有啲無奈





明明黃曉瑩話佢無報過野㗎，點解會過左黎練嘅....

我見啊行同啊儀傾緊計，即刻拉黃曉瑩到隔離，「喂！點解你係度嘅，你唔係無報野咩？」我單刀直入

「我地班個林同學今日跑傷左啊，之後咁岩全班跑得最快嘅第五個又係我喎，咪比人捉左過黎」黃曉瑩無奈咁講

「睇唔出你都跑得咁快㗎喎，全班第五通常都係後備，無辦法啦，依家佢傷左，睇黎你聽日都應該真係要跑」我講

佢突然笑左下「起初我都拒絕㗎，但係佢地講到今年好似勁到點都有頭三咁，我咪黎貪個牌囉嘻嘻」





「你唔好雷到佢地啊，一陣牌都無就為你是問」我串佢

「咩喎，我實贏添啊！點都會有牌，我講嘅！」佢拍拍心口

「咁如果我地大家都有牌嘅話就交換好唔好！」佢突然諗到

我即刻講　「我中學運動會第一個牌就比左你咪好慘？」

「咁你會有我個牌㗎嘛～」佢講

「好啊，就咁話啦！你唔該贏個冠軍番黎，我想要金牌」我比緊鼓勵佢，一定係...

老實講，我小學嘅運動會己經贏左好多個牌，唔係哂命，但係如果比左呢個牌佢其實我唔會有啲咩問題

同埋，有得換一個女仔嘅牌，好似真係幾威，咁大個仔都未試過。





呢個時候啊行同啊儀行左過黎，「喂，我地要去練野啦，啊瑩過黎開始啦」啊儀同啊瑩講

「我地都練多陣啦咁，朗哥行啦」啊行都拉走左我

就係咁，呢個約定就無啦啦成立左，雖然我唔知佢係唔係認真嘅

但之後嘅訓練，我好似有動力左，個人好似多左好多力，簡直係充滿能量！

練完之後我地四條仔就坐低左飲水

「朗哥做咩咁落力嘅，睇住一陣跑到聽日無力啊」Moses同我講

啊行即刻亂入串我「唔通呢個就係愛情嘅威力？一見完人就即刻咁落力，哈哈哈」





「咩啊，邊度係，我不嬲都咁認真練㗎啦～」我否認

「你話點就點啦～總之聽日有牌就得㗎啦」啊羊講

好快我地男仔就練完，大家做埋Cool down嘅項目就走左，臨走前見到黃曉瑩拎住支棒落力咁跑

＂唔知佢係咪同我一樣都多力左呢＂我自己係度諗

究竟呢樣係咪真係愛情嘅威力呢，感覺自己有左呢件約定之後，好似真係落力左，好想同到黃曉瑩換獎牌

個重點究竟係因為係黃曉瑩定係純粹係因為同到女仔換獎牌而興奮呢

我自己呢一刻都唔知道，都係諗番聽日嘅運動會算數。







命運就地改寫　只因你我當天那一眼