[愛情] [校園] [足球] 我鐘意左個第一句就講粗口嘅女仔: 12.

「冇啊 約左老母食飯囉」我諗住hea鳩佢哋是但答

「同老母食飯個眼神會閃閃縮縮嘅咩？嘻嘻 你今次唔講係邊個都唔好諗住走」啊賢笑意淫淫咁好似想吞左我

呢個時候 我最唔想聽到嘅名字竟然出現 

「會唔會可能係同佢呢排係課室好好傾嘅黃曉瑩啊？」啊羊突然之間講　

全部人嘅眼神光速指向我　眼大大好似等緊我嘅回覆





「唉，見係兄弟先同你地講㗎咋」

我都知道我無可能走得甩，係餐廳我慢慢講番尋晚發生嘅事，佢地都食住飯聽

「就係咁囉，都無乜特別死都要聽嘅」我好無奈咁講

啊賢即刻講「唔係啊？你諗下幾難得佢約你出去講，係我嘅都上馬啦」

「你冷靜啲先，我又唔係諗住溝佢」我即刻澄清





「真係唔係？？」啊婆好似好懷疑我呢個答覆

「唔係啊，識得個一個禮拜，邊有咁快好似你咁啊」我串番佢

因為我之前聽過佢一次拍拖，一齊左一個禮拜都無就分左手，我地講笑形容佢係超大渣男，一直笑到依家了。

食完飯我地好快就翻班房　因為都就黎完小息　

人到去班房見到黃曉瑩同朋友食飯，佢朋友坐左我個位，見到我好似想讓番個位我　「比番個位你？」啊柔(瑩嘅朋友）同我講





「唔洗啦！我都去同朋友傾陣計先番黎，你地完左小息先走啦，我都唔急用」我回答

啊瑩聲線勁溫柔咁講「​唔該哂～～」

我會心一笑然後答　「唔洗客氣啦！我諗住落去買野飲，你有無野想飲？​」

「朱奶！唔該哂～」

啊婆呢個時候係自己班房過左黎，係門口見到我同佢傾緊計，即刻行過黎橋住我條頸　

「衰仔，有乜搞，小息好似仲有十分鐘」啊婆用個好淫蕩嘅眼神望住我

黃曉瑩個樣好似有啲怕醜尷尬，唔敢講野　佢啲朋友都望實緊我地

我面都紅哂，唔知點算，即刻捉番啊婆轉頭





「岩啦你係度，同我落去買野飲」我捉住佢行去門口方向

啊婆反抗「喂　岩岩咪飲完野囉，又飲，一陣又要行番三層樓梯上黎」

​「無得揀，你跟我走」我用力一拉，直接捉走左佢離開左黃曉瑩同佢朋友嘅視線

臨走前聽到佢啲朋友係度笑，開始有啲驚佢地知道我今晚同佢有約嘅事，我估無人唔知道係學校比人傳係一件幾大鑊嘅事，由其是真係可以話未係好熟住

「搞乜無啦啦要落去買野飲先～～」　係我地行緊樓梯落去嘅時候，啊婆橋番住我問

「想飲咪飲囉，頸渴又唔比嘅」我逃避佢眼神回答

「乜你買野飲要問埋人地嘅咩？～～」啊婆繼續望住我問





我無視佢淫蕩嘅眼神繼續澄清「咁都係順手姐，我夠幫你買過野飲啦，無得咁講嘅」

「咩無啊，每次都係我求你你先買，又唔見你主動問我？」啊婆開始想chok我料，我都知道佢講呢啲係純粹係想我講對黃曉瑩有咩感覺，但十劃都未有一撇，所以我就無再應佢了

買完野飲上到去，就咁比左包朱奶黃曉瑩，佢眼神充滿答謝，好似想拿錢比我。

「我比番錢你啦！」瑩講

「唔洗啦，遲啲再報答我啦哈哈」我笑到好似個小朋友咁同佢講

隔離啊婆同曉瑩嘅朋友都聽到我地嘅對話，眼神開始對我地嘅關係感到疑惑。

我同黃曉瑩都不說而同咁無再講啲咩，去到小息完左之後，大家都番左埋位，之後嘅堂都無咩特別

好快就放左學，亦都距離今晚嘅見面又近一步